ဘယ်လိုမှ ဒီမိုကရေစီဘက်တော်သားမဟုတ်တဲ့ နာမည်ကြီးစင်ကာပူဝန်ကြီးချုပ်ဟောင်း လီကွမ်းယူးက `စီးပွားရေးနဲ့ပတ်သက်ရင် ဗမာဗိုလ်ချုပ်တွေဟာ အတော့်ကို လဒူတွေပါပဲ။ တိုင်းပြည်ဟာ သဘာဝသယံဇာတတွေအင်မတန်ကိုကြွယ်ဝတဲ့ကြားက ဒီဗိုလ်ချုပ်တွေ စီးပွားရေးကို ဒါလောက် အလွဲလွဲအချော်ချော် ဆိုးဆိုးဝါးဝါးစီမံနိုင်ခဲ့တာ၊ ဒီအခြေအနေကိုဆိုက်လာတာ အံ့စရာပဲ။ တုံးလိုက် အ,လိုက်ပုံကတော့။ မြန်မာနိုင်ငံဟာ အထီးကျန်အလယ်ခေတ်ကနေ ထွက်ပြီး လက်တွေ့ကမ္ဘာ လောကကြီးထဲဝင်လာအောင် တရုတ်က ကြိုးစားနားချကြည့်ခဲ့ဖူးတယ်။ ကျုပ်လည်း ခင်ညွန့်ဆိုတဲ့ ဗိုလ်ချုပ်တကောင်ကတဆင့် ကြိုးစားခဲ့ဖူးတယ်။ ကျုပ်တို့ဆီက ဟိုတယ်လုပ်ငန်းရှင်တွေကို ဗမာ ပြည်သွားဟိုတယ်တွေဖွင့်ဖို့ ကျုပ်အကြံပေးမိခဲ့တယ်။ ဒေါ်လာသန်းနဲ့ချီပြီး ရင်းနှီးမြှုပ်နှံမိခဲ့ကြတယ်။ အခုတော့ ဟိုတယ်တွေကဟောင်းလောင်း။ တကယ့်ကို စီးပွားရေးမှာဒူတဲ့ ငထုံငထိုင်းတွေကဦးစီး နေတယ်လေ။ ဒီလိုမျိုး တကမ္ဘာလုံးနဲ့ အချိန်အကန့်အသတ်မရှိ အဆက်ဖြတ်ထားလို့ ရနိုင်တယ်လို့ သူတို့ကယုံကြည်နေတာကို ကျုပ် နားကိုမလည်နိုင်ဘူး။ ဆေးတွေ ၀ါးတွေတောင် ထိုင်းနိုင်ငံကနေ မှောင်ခိုသွင်းနေရတယ်ဗျာ။ ဘာမှအဓိပ္ပာယ်မရှိဘူး။ သူတို့တတွေ အချိန်အပိုင်းအခြားမရှိ တည်တံ့ နိုင်မယ်လို့ ကျုပ်တော့ မထင်ဘူး။
“ကြည့်အုံး။ ရန်ကုန်ကအစိုးရရုံးကို ပိတ်ပစ်လိုက်ပြီး ပျဉ်းမနားဆိုလား ဘာဆိုလား ခေါ်တဲ့၊ ဘာမှ မရှိတဲ့နေရာကို ရွှေ့သွားတယ်။ အဲဒီမှာ သူတို့အတွက် အဖိုးတန်အိမ်ကြီးအိမ်ကောင်းတွေနဲ့ ဂေါက် ကွင်းတကွင်း ဆောက်နေတယ်ဗျ။ အကြီးဆုံးဗိုလ်ချုပ်ကလည်း ငွေကိုရေလိုဖြုန်းတဲ့မင်္ဂလာပွဲ လုပ်
ခဲ့တယ်။ ဒီပွဲလုပ်တာကို ယူကျူ့ဘ်မှာတင်လိုက်သေးတယ်။ အဲဒီသမီးတော်က ဆင်ထားလိုက်တာ ခရစ္စမတ်သစ်ပင် ကျနေတာပဲ။ ဒီလိုအလွန်အကျွံသုံးဖြုန်းပြတာတွေက ငတ်ပြတ်မွဲတေနေတဲ့ လူထုတွေကို သူပုန်ထဖို့ တွန်းမှာပေါ့ဗျ။ ဘာတွေဖြစ်လာမလဲတော့ ကျုပ်မသိဘူး။ ဘာလို့လဲဆို တော့ စစ်တပ်က အခရာကျနေတယ်လေ။ စစ်တပ်က အုပ်ချုပ်ရေးကိရိယာတန်ဆာပလာတွေ အားလုံးကို ဖျက်သိမ်းထားတာကြောင့် စစ်တပ်ကိုဖျက်လိုက်ရင် တိုင်းပြည်ခမျာ ကိုယ့်ဟာကိုယ် အုပ်ချုပ်နိုင်ဖို့ ဘာယန္တရားမှမရှိဘူး ဖြစ်နေတယ်” လို့ အောက်တိုဘာ (၉)ရက်နေ့မှာ ဗြောင်ထုတ် ပြောချလိုက်ပါတယ်။
လီကွမ်းယူးဟာ အာရှတန်ဖိုး ဆိုတဲ့အယူအဆကို ပထမဆုံးစတင်ဖော်ထုတ်ရပ်ခံခဲ့သူ ဖြစ်ပြီး အာဏာရှင်စနစ်နဲ့ စီးပွားရေး ဖွံ့ဖြိုးတိုးတက်မှုကို တွဲစပ်ပေးသူဖြစ်ပါတယ်။ စင်ကာပူ၊ တိုင်ဝမ်၊ တောင်ကိုရီးယား၊ ထိုင်း၊ မလေးရှား၊ အင်ဒိုနီးရှား၊ ဗီယက်နမ်နိုင်ငံတွေဟာ အာဏာရှင်စနစ် တွေကြောင့် စီးပွားရေးတိုးတက်ခဲ့ပြီး၊ အာရှကျား အာရှနဂါးအဆင့်ကို တက်လှမ်းနိုင်ခဲ့တယ်လို့ ကြော်ငြာထုတ်ခဲ့သူဖြစ်ပါတယ်။ ဒါပေမယ့် နအဖ လက်အောက်မြန်မာနိုင်ငံကတော့ လီကွမ်းယူးဝါဒနဲ့ ဘယ်လိုမှအံမ၀င်တဲ့ ဧရာမလွဲချော်မှုကြီး ဖြစ်နေလို့ အခုလိုညည်းနေတာ ဖြစ်ပါတယ်။
ရန်ကုန်မြို့ကနေ တရားဝင်ထုတ်ဝေတဲ့ The Voice ဂျာနယ် အောက်တိုဘာ ၁၅၊ ၂၀၀၇ ထုတ်မှာပါတဲ့ စီးပွားရေးဆွေးနွေးခန်းတခုကိုကြည့်ပါအုံး။
“ကျနော် ပုဂံမှာ Coffee Shop (ကော်ဖီဆိုင်) တခုသွားဖွင့်မယ်။ အင်တာနက်၊ ရေကူးကန်၊ Fast Food (အမြန်စား စားသောက်ဆိုင်)၊ အ၀တ်လျှော်စက်၊ လူသုံးကုန်ပစ္စည်း အရောင်းဆိုင်(7/11) တွဲရက်ထားမယ်လို့ ပြင်ဆင်တော့ မိတ်ဆွေတဦးက ပြောတယ်၊ အစ်ကို ကမ္ဘောဒီးယားမှာ သွားဖွင့်ပါတဲ့။”
“ပုဂံမှာသွားဖွင့်ရင် လူဘယ်လောက်ဝင်မလဲ မသေချာဘူး။ ပစ္စည်းသယ်ဖို့ ကားခပ်ညံ့ညံ့တစီးကို သိန်း (၁၅၀) လောက်ပေးရမယ်။ တယ်လီဖုန်းက သိန်း (၃၀) လောက် ရင်းရမယ်။ သိန်း (၂၀၀) လောက် ရင်းပြီးတဲ့အထိ ခင်ဗျားဆိုင် ဘယ်နားနေမှန်းမသိရဘူး။ ကမ္ဘောဒီးယားကို သွားလိုက်ရင် တော့ အဲဒီငွေနဲ့ Foreign Investor (နိုင်ငံခြားရင်းနှီးမြှုပ်နှံသူ) ဖြစ်သွားမယ်။”
“ကမ္ဘောဒီးယားမှာ GSM(ဂျီအက်စ်အမ်) တယ်လီဖုံး ကတ်တကတ်ကို မြန်မာကျပ်ငွေ တသောင်း၊ တိုယိုတာဖင်ကောက်တစီးကို (၅၀) လောက်ပဲပေးရတယ်။ တနိုင်ငံလုံး ဒေါ်လာပဲ ကိုင်သုံးကြ
တယ်။”
ကွယ်လွန်သူ ဂီတစာဆိုကြီး ဆရာမြို့မငြိမ်းဟာ လွန်ခဲ့တဲ့ နှစ် (၅၀)ကျော်ကတည်းက လူချွန် လူကောင်း သီချင်းထဲမှာ မြန်မာနိုင်ငံသားတွေကို ခေတ်မီမီကမ္ဘာကြည့် ကြည့်မြင်ပြီး ကမ္ဘာကို ထိုးဖောက်အမီလိုက်ဖို့ လှုံ့ဆော်ခဲ့ပါတယ်။ ဒါပေမယ့် စစ်အာဏာရှင်စနစ် မင်းထုံမင်းထိုင်း တွေလက်အောက် (၄၅) နှစ်ရောက်ခဲ့ပြီးနောက် မြန်မာ့စီးပွားရေးအခြေအနေဟာ ဂလိုဘယ်လ် လိုက်ဇေးရှင်းခေါ်တဲ့ ဆရာမြို့မငြိမ်းရဲ့ ကမ္ဘာကြည့်အခင်းအကျင်းနဲ့ ဘယ်လောက်ထိစပ်မိနေပါပြီလဲ။ ဂလိုဘယ်လိုက်ဇေးရှင်းလှိုင်းလုံးကို ဘယ်လောက် လက်ခံ စီးနင်းနိုင်နေပါပြီလဲ။
ဒီနေရာမှာ တကမ္ဘာလုံးကနိုင်ငံပေါင်းစုံရဲ့စီးပွားရေးတွေကို ၂၁ ရာစု ရုပ်ပုံကားချပ်ထဲ ဆွဲစေ့ပေးဖို့ တာဝန်ယူထားတဲ့ ကမ္ဘာ့ဘဏ်ရဲ့သတ်မှတ်ချက်တွေ သဘောထားတွေကလည်း အဓိက ကျလာ ပါတယ်။ ကမ္ဘာ့ဘဏ်ရဲ့ ဂလိုဘယ်လ်လိုက်ဇေးရှင်း စံသတ်မှတ်ချက် (၀ါ) တိုက်တွန်းချက်က ယေဘုယျအားဖြင့် (၁၀) ချက်ရှိပါတယ်။
၁။ ကုန်သွယ်ရေးလွတ်လပ်ပျော့ပျောင်းခြင်း
၂။ ဈေးကွက် ထိန်းချုပ်မှုလျှော့ပေါ့ပေးခြင်း
၃။ နိုင်ငံခြားတိုက်ရိုက်ရင်းနှီးမြှုပ်နှံမှု လွတ်လပ်ပျော့ပျောင်းခြင်း
၎။ နိုင်ငံပိုင်စီးပွားရေးလုပ်ငန်းများ ပုဂ္ဂလိကပိုင်ပြုခြင်း
၅။ ဈေးကွက်ပေါက်အတိုးနှုန်းရှိခြင်း
၆။ ဈေးကွက်ပေါက်ငွေလဲနှုန်းရှိခြင်း
၇။ ပုဂ္ဂလိကပိုင်ပစ္စည်းလုံခြုံမှုဥပဒေရှိခြင်း
၈။ အခွန်စနစ်ပြုပြင်ပြောင်းလဲခြင်း
၉။ ဘတ်ဂျက်ပိုငွေ လိုငွေမျှအောင်ထိန်းထားခြင်း
၁၀။ စီးပွားရေးတိုးတက်ရေးနှင့် ဆင်းရဲသားအကျိုးပြုရေးစီမံချက်များရှိခြင်း
နအဖတွေ စီမံခန့်ခွဲနေတဲ့ မြန်မာပြည်အခြေအနေကို ဒီ (၁၀) ချက်နဲ့ ချိန်ထိုးကြည့်တဲ့အခါ ...
အခုတမျိုး တော်ကြာတမျိုး၊ ရှေ့နောက်မညီ၊ စိတ်ထင်ရာချမှတ်ထားတဲ့၊ အဓိပ္ပာယ်မဲ့တဲ့ တံခါးပိတ်ကုန်သွယ်ရေးအကန့်အသတ်တွေ၊ မလွတ်လပ်တဲ့ ဈေးကွက်ထိန်းချုပ်မှုတွေဟာ ပြည်တွင်း ဈေးကွက်မှာရော၊ နယ်စပ်ကုန်သွယ်ရေးမှာရော၊ ပုံမှန်ပြည်ပကုန်သွယ်ရေးမှာပါ ကြီးကြီးမားမားရှိနေတယ်။
နိုင်ငံခြားတိုက်ရိုက်ရင်းနှီးမြှုပ်နှံမှုတွေအတွက် လက်တွေ့လုပ်ငန်းလည်ပတ်မှုမှာ အကန့်အသတ်
တွေ ချို့ယွင်းချက်တွေကို ဘာမှဖြေရှင်းမပေးနိုင်ဘဲ ဦးနှောက်မသုံးဘဲနဲ့ နိုင်ငံခြားငွေရရေး သက်သက်ကိုသာ ဦးထိပ်ထားနေတယ်။ ကိုရီးယားနဲ့ တိုင်ဝမ်တို့က အထည်ချုပ်ကုမ္ပဏီတွေဟာ အလုပ်သမားတွေကို လစာပေးရာမှာ မြန်မာ့ရင်းနှီးမြှုပ်နှံမှုကော်မရှင်ကတဆင့် ပေးရပါတယ်။
ဒီအခါ ကော်မရှင်က လစာရဲ့တ၀က်ကို ဖြတ်ယူထားလိုက်တဲ့အတွက် အလုပ်သမားတွေဟာ ကုမ္ပဏီကပေးတဲ့လစာ (၀ါ) တကယ်ရ,ရမယ့်လစာရဲ့ တ၀က်ပဲရပါတော့တယ်။ အလုပ်သမား
တွေက လစာနည်းတာကို မကျေနပ်လို့ လစာတိုးတောင်းတဲ့အခါ အလုပ်ရှင်တွေပဲ တရားခံဖြစ်ရ ပြဿနာတက်ရပါတယ်။ ဒါ့အပြင် နဂိုကတိပေးထားသလိုမဟုတ်ဘဲ မီးမှန်မှန်မရလို့ သို့မဟုတ် လုံးဝမရလို့ မီးစက်နဲ့ မောင်းရတာလိုမျိုး စရိတ်အပိုတွေကုန်ပြီး အရှုံးတွေထပ်ပေါ်ကုန်တာလည်း နေရာတကာပါပဲ။
နိုင်ငံပိုင်စီးပွားရေးလုပ်ငန်းတွေကို ပုဂ္ဂလိကပိုင်လုပ်ရာမှာ အရေးမပါတဲ့ ရုပ်ရှင်ရုံတွေပဲ အဓိက ပေးနေပါတယ်။ တောက်လျှောက်အရှုံးပေါ်နေတဲ့၊ အရေးပါတဲ့လုပ်ငန်းတွေကို ပုဂ္ဂလိကပိုင် လုပ်တာမရှိသလောက်ဖြစ်ပါတယ်။ စတော့ဈေးကွက်ဆိုတာ ဘယ်လိုမှ မပေါ်နိုင်ဖြစ်နေတယ်။
ဈေးကွက်ပေါက်အတိုးနှုန်း၊ ငွေကြေးဖောင်းပွမှုနှုန်းထက် အများကြီးလျော့နည်းနေတဲ့ အတိုးနှုန်း
ကို ဗဟိုအစိုးရက အမိန့်အာဏာနဲ့ သတ်မှတ်ထားတယ်။ ဘဏ်လုပ်ငန်းတွေ ပျက်စီး၊ အကြွေးဝယ် ကတ်မရှိ၊ အေတီအမ်ကတ်မရှိ။ လွန်ခဲ့တဲ့ (၃-၄) နှစ်က အကြီးအကျယ်ပြဿနာပေါ်ခဲ့တဲ့ အကျိုး ဆောင်ကုမ္ပဏီတွေ ခုထိစာရင်းမရှင်းနိုင်သေး။
တကယ့်ပေါက်ဈေးထက် အဆပေါင်းများစွာနိမ့်ကျတဲ့ နိုင်ငံခြားငွေလဲနှုန်းကို အသေဖက်တွယ်နေ တယ်။ တချို့လုပ်ငန်းတွေအတွက်လည်း ငွေလဲနှုန်းတွေ စိတ်ထင်သလို သတ်မှတ်ထားပြန်တယ်။
ပြည်သူလူထုနဲ့ စီးပွားရေးလုပ်ငန်းရှင်တွေရဲ့ မြေယာအိုးအိမ် အဆောက်အဦ လုပ်ငန်းပိုင်ဆိုင်မှု တွေကို လျော်ကြေးမပေးဘဲ စိတ်ထင်သလို ဥပဒေမဲ့သိမ်းယူတာတွေ အနှံ့အပြား ရှိနေတယ်။ အရင်းရှင်ဈေးကွက်စီးပွားရေးစနစ်ရဲ့ အသက်ဖြစ်တဲ့ ပုဂ္ဂလိကပိုင်ဆိုင်မှုဟာ လုံးဝအာမခံချက်မရှိဘူး။ ဒါကြောင့် နအဖဟာ အာဏာရပြီး (၁၉) နှစ်ကြာတဲ့အထိ ပုဂ္ဂလိကပိုင်ဆိုင်မှုကို တကယ် အာမခံရတဲ့ ကွန်ဒိုဥပဒေတို့၊ အထူးစီးပွားရေးဇုန်ဥပဒေတို့ကို မထုတ်ပြန်ဘဲထားတယ်။
အခွန်စနစ်ဟာ လုံးဝပရမ်းပတာဖြစ်နေတယ်။ တရားဝင်အခွန်နာမည်မခံတဲ့ ကောက်ခံမှု အမျိုး
မျိုးကလည်း စာရင်းမရှိ အင်းမရှိ အပြန့်အနှံ့ဖြစ်နေတယ်။ ကိုးကန့်ငြိမ်းအဖွဲ့ရဲ့ ဂိုဏ်းခွဲတခုက ထူထောင်ခဲ့တဲ့ PMG အရက်ကုမ္ပဏီကို အမြတ်ခွန် ကျပ်သိန်းပေါင်း တသိန်းနှစ်သောင်း (၁၂၀,၀၀၀,၀၀၀,၀၀၀) တောင်းတော့ မပေးနိုင်တဲ့အတွက် ထိုကုမ္ပဏီခမျာ ပျက်လုလုဖြစ်သွား တယ်။
ကမ်းလွန်သဘာဝဓာတ်ငွေ့ကနေ တနှစ်ကို ဒေါ်လာ ၁ ဘီလီယံကနေ (၂) ဘီလီယံကျော်အထိ ၀င်နေပေမယ့် ဘတ်ဂျက်လိုငွေ ကြီးကြီးမားမား တောက်လျှောက်ပြနေတယ်။ ခေါင်ကစပြီး ဖြုန်း တီး ခိုးဝှက်နေတာကို ဘယ်လိုမှ မထိန်းနိုင်ဘူး။
စီးပွားရေးတိုးတက်စေဖို့ စီမံချက်တွေကို ဦးနှောက်ရှိရှိနဲ့ ပညာရှင်တွေက ချမှတ်တာမရှိဘဲ စီးပွား ရေး ဘာမှနားမလည်တဲ့ စစ်ဗိုလ်တွေကသာ ထင်သလိုစီမံချက်တွေချတာကို ပညာရှင်တွေက လိုက်နာနေရတယ်။ ဆင်းရဲမှုပပျောက်ရေးဆိုတာ ဗမာပြည်မှာ တခါမှမကြားဖူးဘူး။ တနိုင်ငံလုံး ချမ်းသာဖွံ့ဖြိုးနေပြီလို့ပဲ တလျှောက်လုံး ၀ါဒဖြန့် လိမ်ညာနေတယ်။
တခုရှိတာက ဒီ (၁၀) ချက်မရှိလည်း နိုင်ငံတကာစီးပွားရေးသမားတချို့ကတော့ ငါးသလောက် စီးပွားရေးနဲ့ အကြံအဖန်လုပ်လို့ ရနိုင်မယ်၊ ထူးခြားတဲ့အနေအထားတွေ (ဓာတ်ငွေ့၊ ရေနံ၊ သတ္တု စသဖြင့်) အရ အလုပ်ဖြစ်နိုင်မယ်လို့ ယူဆပြီး ၀င်လုပ်တာတွေရှိနိုင်ပါတယ်။ မြန်မာနိုင်ငံမှာ အရင် တရားဝင်တံခါးပိတ်စီးပွားရေး မဆလခေတ်ကတည်းက ဟီးနိုး၊ မာဇဒါ၊ ရှလမ်ဘာဂျာ၊ ဖရစ်ဇ်ဝါနာ ကုမ္ပဏီတွေ ၀င်လုပ်ခဲ့တာပါဘဲ။ ဒါပေမယ့် အဲဒါလောက်နဲ့ ကမ္ဘာ့စီးပွားရေး ဂလိုဘယ်လ်လိုက် ဇေးရှင်းလောကထဲ ရောက်မသွားပါဘူး။
ကမ္ဘာ့ဘဏ်ရဲ့ ဂလိုဘယ်လ်လိုက်ဇေးရှင်းစံနှုန်း (၁၀) ချက်ကို အစိုးရပိုင်းတွေက ဘယ်လောက် ဖြည့်ဆီးနိုင်စွမ်းရှိသလဲ ဆိုတာကို ကမ္ဘာလုံးဆိုင်ရာအစိုးရအုပ်ချုပ်ပုံအညွှန်းကိန်း Worldwide Governance Indicators (WGI) project အစီအစဉ်နဲ့ တိုင်းတာတာဖြစ်တယ်။ ဒီအစီအစဉ်မှာ တကမ္ဘာလုံးက နိုင်ငံနဲ့ဒေသပေါင်း (၂၁၂) ခုကို ၁၉၉၆ ခုကနေ ၂၀၀၆ ခုနှစ် ကာလအတွင်း ကမ္ဘာ့ဘဏ်က ကြီးမှူးလေ့လာထားပါတယ်။ ကမ္ဘာ့ဘဏ်ဟာ ဒီအညွှန်းကိန်း (၆)ခု ပေါ်ကနေ ကမ္ဘာ့နိုင်ငံတွေကို ဆန်းစစ်ပြီး ဒီနိုင်ငံတွေနဲ့ တွဲလုပ်လို့ရနိုင် မရနိုင် စဉ်းစားဆုံးဖြတ်တာ ဖြစ်ပါ တယ်။ အရင်ကတော့ ဒီအကဲဖြတ်တိုင်းတာချက်တွေကို ကမ္ဘာ့ဘဏ်က လျှို့ဝှက်ထားလေ့ရှိပါတယ်။ အခုမှ လူသိရှင်ကြားထုတ်ပြန်တာဖြစ်ပါတယ်။
အစိုးရအုပ်ချုပ်ပုံ Governance ဆိုတာ တိုင်းပြည်တပြည်ရဲ့အာဏာပိုင်က ကျင့်သုံးတဲ့ ထုံးတမ်း စဉ်လာတွေနဲ့ အဆောက်အအုံတွေ အတွဲလိုက်ကို ဆိုလိုတာဖြစ်တယ်။ ဒီထဲမှာ (၁) အစိုးရတွေကို ရွေးချယ်၊ ကြီးကြပ်၊ အစားထိုးတဲ့ဖြစ်စဉ်၊ (၂) ခိုင်မာကောင်းမွန်တဲ့ပေါ်လစီတွေကို ထိထိရောက် ရောက်ဖော်ထုတ် အကောင်အထည်ဖော်နိုင်တဲ့ အစိုးရအစွမ်းအစ၊ (၃) မိမိတို့ကြားက စီးပွားရေး လူမှုရေး အပြန်အလှန်ဆက်စပ်မှုတွေကိုစိုးမိုးတဲ့ အဆောက်အအုံတွေအပေါ် နိုင်ငံသူ နိုင်ငံသား
တွေနဲ့ နိုင်ငံအစိုးရတို့က လေးစားမှုတို့ပါဝင်ပါတယ်။
အစိုးရအုပ်ချုပ်ပုံအညွှန်းကိန်းကို တိုင်းတာရာမှာ ဘက်(၆) ဘက်ရှိပါတယ်။ ဒါတွေကို ရှင်းရရင်
(၁) ပြည်သူ့အသံနဲ့တာဝန်ခံမှု ဆိုတာ နိုင်ငံသားတွေက ကိုယ့်အစိုးရကိုရွေးချယ်ရာမှာ ပါဝင် ပတ်သက်နိုင်တဲ့ အတိုင်းအတာ၊ ဒါ့အပြင် လွတ်လပ်စွာထုတ်ဖော်ပြောဆိုခွင့်၊ လွတ်လပ်စွာ သင်းပင်းဖွဲ့စည်းခွင့်၊ မီဒီယာလွတ်လပ်ခွင့်တို့ကို တိုင်းတာတာဖြစ်တယ်။
(၂) နိုင်ငံရေးတည်ငြိမ်မှုနဲ့ အကြမ်းဖက်မှုကင်းမဲ့ခြင်း ဆိုတာကတော့ ပြည်တွင်းဆူပူသောင်းကျန်း
မှုနဲ့ အကြမ်းဖက်ဝါဒ အပါအ၀င် အစိုးရကို အခြေခံဥပဒေနဲ့မညီတဲ့နည်းလမ်း သို့မဟုတ် အကြမ်း ပတမ်းနည်းလမ်းတွေနဲ့ မတည်မငြိမ်ဖြစ်စေနိုင်တဲ့ အလားအလာ သို့မဟုတ် ဖြုတ်ချနိုင်မယ့် အလားအလာတွေကို တိုင်းတာတာဖြစ်တယ်။
(၃) အစိုးရစွမ်းရည် ကတော့ အများပြည်သူ့အကျိုးဆောင်လုပ်ငန်းတွေရဲ့ အရည်အသွေး၊ အစိုးရ ၀န်ထမ်းပိုင်းရဲ့ အရည်အသွေး၊ အစိုးရ၀န်ထမ်းပိုင်းအနေနဲ့ နိုင်ငံရေးဖိအားတွေက လွတ်လပ်မှု ပမာဏ၊ မူဝါဒရေးဆွဲဖော်ထုတ်မှုနဲ့ အကောင်အထည်ဖော်မှုအရည်အချင်း၊ ဒီမူဝါဒတွေကို အစိုးရ ကတာဝန်ယူရပ်ခံမှုအပေါ် ယုံကြည်နိုင်စွမ်း တို့ကိုတိုင်းတာတယ်။
(၄) ထိန်းကျောင်းကြပ်မတ်မှုအရည်အချင်း ဆိုတာကတော့ အစိုးရအနေနဲ့ ပုဂ္ဂလိကကဏ္ဍ ဖွံ့ဖြိုး တိုးတက်ရေးကို ခွင့်ပြုမြှင့်တင်တဲ့၊ ခိုင်မာမှန်ကန်တဲ့မူဝါဒတွေ စည်းမျဉ်းစည်းကမ်းတွေကို ရေးဆွဲ ဖော်ထုတ် အကောင်အထည်ဖော်နိုင်မှု အစွမ်းအစကို တိုင်းတာတာဖြစ်တယ်။
(၅) တရားဥပဒေအာဏာပိုင်စိုးခြင်း ကတော့ ဥပဒေဘက်တော်သားတွေက လူ့အဖွဲ့အစည်းရဲ့ စည်းကမ်းဥပဒေတွေအပေါ် ယုံကြည်မှုအတိုင်းအတာ၊ လိုက်နာမှုအတိုင်းအတာတွေကို သတ်မှတ် တာဖြစ်တယ်။ အထူးသဖြင့် ရဲ၊ တရားရုံးစတဲ့ တရားဝင်အခွင့်ရ ဥပဒေစောင့်ထိန်းရေးအဖွဲ့တွေရဲ့ အရည်အသွေး၊ ဒါ့အပြင် ရာဇ၀တ်မှုနဲ့ အကြမ်းဖက်မှုအလားအလာကိုပါ တိုင်းတာပါတယ်။
(၆) အကျင့်ပျက်ခြစားမှုထိန်းချုပ်ခြင်း ကတော့ ပုဂ္ဂလိကအကျိုးအမြတ်အတွက် အများပြည်သူ ဆိုင်ရာအာဏာအသုံးချမှုကို တိုင်းတာဖြစ်ပါတယ်။ ဒီထဲမှာ အသေးစား အကြီးစား အဂတိလိုက် စားမှုတွေအပြင် နိုင်ငံတော်အစိုးရကို ရေပေါ်ဆီ လူ့မလိုင်တွေနဲ့ ပုဂ္ဂလိကအကျိုးစီးပွားတွေက “ဖမ်းထိန်း”ထားတာလည်းပါဝင်တယ်။
၂၀၀၆ ခုနှစ်အတွက် မြန်မာနိုင်ငံရတဲ့အညွှန်းကိန်းရမှတ်တွေကတော့ (စုစုပေါင်း အမှတ် ၁၀၀ မှာ)
ပြည်သူ့အသံနဲ့ တာဝန်ခံမ---------------------------------------------၀.၀
နိုင်ငံရေးတည်ငြိမ်မှုနဲ့ အကြမ်းဖက်မှုကင်းမဲ့ခြင်း-----------------၂၄.၀
အစိုးရစွမ်းရည---------------------------------------------------------- ၂.၈
ထိန်းကျောင်းကြပ်မတ်မှုအရည်အချင်း------------------------------၁.၀
တရားဥပဒေအာဏာပိုင်စိုးခြင်း---------------------------------------၃.၈
အကျင့်ပျက်ခြစားမှုထိန်းချုပ်ခြင်း------------------------------------၁.၀
တို့ဖြစ်ပါတယ်။ ဒါဟာ ရွှေဝါရောင် တော်လှန်ရေး မဖြစ်ခင်က အမှတ်တွေဖြစ်တဲ့အတွက် အခု ၂၀၀၇-၂၀၀၈ အတွက်ဆိုရင် ဒုတိယအညွှန်းကိန်းက သုည သို့မဟုတ် သုညနားကပ်နေမှာ မလွဲပါဘူး။
ဒီထက်ပိုအရေးကြီးတဲ့ လေ့လာမှုကတော့ ၁၉၉၆ ခုကနေ ၂၀၀၆ ခုအထိ အစဉ်အဆက် အညွှန်းကိန်းလမ်းကြောင်းကို ဆန်းစစ်တာဖြစ်ပါတယ်။ ဒီလို (၁၀)နှစ်တာဦးတည်ချက် လမ်းကြောင်းကို ကြည့်လိုက်တဲ့အခါ အခုလိုတွေ့ရပါတယ်။
မြန်မာနိုင်ငံ အစိုးရအုပ်ချုပ်ပုံအညွှန်းကိန်း
ခုနှစ်------------------------------------------------------(၉၆) (၉၈) (၀၀) (၀၂) (၀၃) (၀၄) (၀၅) (၀၆)
ပြည်သူ့အသံနဲ့ တာဝန်ခံမှု----------------------------(၀.၀) (၁.၄) (၀.၅) (၀.၅) (၀.၀) (၀.၀) (၀.၀) (၀.၀)
နိုင်ငံရေးတည်ငြိမ်မှုနဲ့အကြမ်းဖက်မှု ကင်းမဲ့ခြင်း (၁၃.၀) (၁၁.၅) (၈.၂) (၁၂.၀) (၁၃.၀) (၁၉.၂) (၂၁.၂) (၂၄.၀)
အစိုးရစွမ်းရည်-------------------------------------------(၆.၂) (၇.၆) (၈.၁) (၅.၂) (၆.၆) (၂.၄) (၂.၄) (၂.၈)
ထိန်းကျောင်းကြပ်မတ်မှုအရည်အချင်း--------------(၁၄.၁) (၇.၈) (၃.၉) (၁.၀) (၁.၅) (၀.၀) (၁.၀) (၁.၀)
တရားဥပဒေအာဏာပိုင်စိုးခြင်း-------------------------(၈.၆) (၇.၆) (၈.၆) (၂.၉) (၄.၃) (၃.၈) (၂.၉) (၃.၈)
အကျင့်ပျက်ခြစားမှုထိန်းချုပ်ခြင်း-----------------------(၅.၃) (၄.၄) (၄.၄) (၃.၄) (၂.၉) (၀.၅) (၀.၅) (၁.၀)
ကမ္ဘာ့ဘဏ်အမြင်မှာ အညွှန်းကိန်းအမှတ်နည်းတာက သိပ်အကြောင်းမဟုတ်ပါဘူး။ နည်းပေမယ့် ဒီဆယ်နှစ်ကာလအတွင်း အတက်ပြနေရင် အားပေးချီးမြှောက်ပါတယ်။ လိုအပ်တဲ့ဘဏ္ဍာရေး အကူအညီ နည်းပညာအထောက်အပံ့တွေ ပေးတာပါပဲ။ အစိုးရအုပ်ချုပ်ပုံ အညွှန်းကိန်း နိမ့်ပေမယ့်လည်း တက်နေရင် စီးပွားရေးအရ ပြည်သူလူထုဝင်ငွေ တိုးများလာတာ၊ မွေးစကလေး သေနှုန်း ကျလာတာ၊ စာမတတ်မှုနှုန်းကျလာတာကို တိုက်ရိုက်အကျိုးဖြစ်စေပါတယ်။ အတက်မပြရင် သို့မဟုတ် တောက်လျှောက် အကျပဲပြနေရင်တော့ ကမ္ဘာ့ဘဏ်မကလို့ ကမ္ဘာ့ဘဏ်ဘိုးအေကနေ ဘယ်လောက် ဘဏ္ဍာရေးအကူအညီ အထောက်အပံ့ပေးပေး သဲထဲရေသွန်ဖြစ်မယ်ဆိုတာ (၂၀) ရာစုအတွင်း နိုင်ငံတကာမှာ သက်သေတွေ အထင်အရှားရှိခဲ့ပါပြီ။
ပြည်သူ့အသံနဲ့ တာဝန်ခံမှုပိုင်းမှာ ရမှတ်ကွာခြားချက်ဟာ မြန်မာနဲ့ ကာဇက်စတန်နိုင်ငံ ကြား၊ ကာဇက်စတန်နဲ့ အင်ဒိုနီးရှားနိုင်ငံကြား၊ အင်ဒိုနီးရှားနဲ့ တောင်အာဖရိကနိုင်ငံကြား စီးပွားရေး တိုးတက်မှုကွာခြားချက်တွေကို ဖော်ဆောင်နေပါတယ်။ အလားတူဘဲ တရားဥပဒေအာဏာပိုင်စိုး ခြင်းအပိုင်း တိုးတက်မှုအရ ဆိုမာလီယာနဲ့ နိုင်ဂျီးရီးယားကြား၊ နိုင်ဂျီးရီးယားနဲ့ မက်ဆီဒိုးနီးယား
ကြား၊ မက်ဆီဒိုးနီးယားနဲ့ ဂရိကြား၊ ဂရိနဲ့ ကနေဒါနိုင်ငံကြား ဖွံ့ဖြိုးတိုးတက်မှုကွာဟချက်တွေကို ဖော်ကျူးနေပါတယ်။
ဖွံ့ဖြိုးပြီးအနောက်နိုင်ငံတွေမှသာ ၀င်ငွေတိုးတက်ပြီး လူမှုအခြေအနေတိုးတက်တာ မဟုတ်ပါဘူး။ တနည်းအားဖြင့် စီးပွားရေးဖွံ့ဖြိုးမှ အစိုးရအုပ်ချုပ်ပုံအရည်အချင်းမြင့်လာတာ မဟုတ်ပါဘူး။ အစိုးရ အရည်အသွေးမြင့်မှ စီးပွားရေးဖွံ့ဖြိုးတိုးတက်တာဖြစ်တယ်။ ဒီ အစိုးရအုပ်ချုပ်ပုံအရည်အသွေးရဲ့ ပဓာနကျတဲ့အခန်းကို အခုအခါ ပညာရှင်တွေရော မူဝါဒရေးဆွဲသူတွေပါ အများစုကြီးက လက်ခံ ထားပြီဖြစ်ပါတယ်။
ဒါပေမယ့် ဒီ WGI project မှာ တွေ့နေရတာက ဗမာပြည်မှာ နအဖရဲ့ အစိုးရအုပ်ချုပ်ပုံ အရည် အချင်းက တောက်လျှောက် အကျပဲပြနေပြီး ဘယ်လိုမှသုံးစားမရတာဖြစ်နေတော့ အကူအညီ ပေးချင်တာတောင် ပေးမရနိုင်ဖြစ်နေပါတော့တယ်။ ကမ္ဘောဒီးယား၊ လော၊ ဗီယက်နမ်၊ ဘင်္ဂလားဒေ့ရ်ှတို့မှာဆိုရင် အညွှန်းကိန်းရမှတ်တွေနိမ့်ပေမယ့် တနှစ်ထက်တနှစ် သိသိသာသာတက်နေလို့ တဦးချင်းဝင်ငွေ ၂ ဆ-၃ ဆ စသဖြင့် တက်လာပါတယ်။ ဒါ့ကြောင့် ကမ္ဘာ့ဘဏ်ရဲ့ အကူအညီ အထောက်အပံ့တွေ ရကြပါတယ်။ ချေးတဲ့ငွေအတွက် အတိုးရော အရင်းပါ ပြန်ဆပ်နိုင်ဖို့သေချာလို့ ကမ္ဘာ့ဘဏ်က ငွေချေးတာဖြစ်ပါတယ်။ ကမ္ဘာ့ဘဏ်ဟာ အလှူဒါနပြုတဲ့ ကုသိုလ်ဖြစ်အဖွဲ့ မဟုတ်ဘဲ ကုမ္ပဏီတခုလို စီးပွားရေးအရအကျိုးအမြတ်ကိုသာ အဓိကထားတွက်တာဖြစ်ပါတယ်။
နိုင်ငံဖွံ့ဖြိုးတိုးတက်ရေးအတွက် အစိုးရအုပ်ချုပ်ပုံတခုတည်းကသာ အဓိကကျတာတော့ မဟုတ် ပေမယ့် အာရုံစိုက်အလေးထားရမယ့် အရေးကြီးအချက်အလက်တခုတော့ ဖြစ်နေပါတယ်။
ဂါမဏိ
http://www.khitpyaing.org/articles/jan_08/10-1-08_garmani.php
Tuesday, January 15, 2008
ကမ္ဘာကြည့် မြန်မာ့စီးပွားရေးနဲ့ လဒူများအတွေး
Posted On Tuesday, January 15, 2008 at at 1/15/2008 02:33:00 PM by moe pyayMaung said... ပိတောက်မြေ
Posted On at at 1/15/2008 02:22:00 PM by moe pyayပိတောက်မြေတွင် တင်ထားသော စစ်တပ်နဲ့ မြန်မာ့နိုင်ငံရေးဆောင်းပါး (၂) ကို ဝေဖန်သော Comment များအနက် စိတ်ဝင်စားဖွယ်ကောင်းသော Maung ၏ Comment ကို အများဖတ်ရှု နိုင်ရန် ပို့စ်တင်လိုက်ပါတယ်။ စာလုံးပေါင်းအမှားများကို ပြင်ထားပါတယ်။ အချို့စာလုံးများ မထင်သဖြင့် မှန်းဆပြီး ဖြည့်စွတ်ထားပါတယ်
ဒေါ်အောင်ဆန်းစုကြည် ဦးဆောင်တဲ့ ဒီမိုကရေစီအုပ်စု မှမဟုတ်ပါဘူး၊ မည်သူကမှ စစ်တပ်ကို တိုင်းပြည်ရဲ့နိုင်ငံရေးတွင် စစ်တပ်ကိုမပါစေချင်ပါ၊ အလွယ်ဆုံးနဲ့အရှင်းဆုံး ပြောရရင် စစ်တပ် ပါလာပါက လက်နက်ကိုဘန်းပြပြီး မဖြစ်သင့်သော အာဏာသိမ်းခြင်းများကို စစ်တပ်ကိုယ်တိုင်မှ ၄င်းစစ်တပ်ကို ကိုင်တွယ်နိုင် သောသူများက အမြဲတမ်းလှုပ်ဆောင်တတ်ကြတာကို နိုင်ငံတကာ မှာကော လက်ရှိ ကျွန်တော်တို့ နိုင်ငံမှာသော၎င်း၊တွေ့ကြရလို့ပါ၊ စစ်တပ်သည် တိုင်းပြည်၏ လုံခြုံရေး၊ အခူပ်ချာတည်မြဲရေးကို ၀ိုင်းဝန်းဦးဆောင်ထိမ်းသိမ်းပေးခြင်းနေရာမှသာလျှင် အဓိကကြပါတယ်။ နိုင်ငံရဲ့အရေးမှာတော့ စစ်တပ်က ဘာမှဝင်ရောက် ဦးဆောင်ခြင်းကို နည်းနည်းသော်၎င်း၊ များများသော်၎င်းဝင်ရောက်စွန်ဖက်ခွင့်တော့ မရှိဘူးလို့မြင်ပါတယ်။
အသေအချာလည်း ရှင်းပြပေးစေချင်ပါသည် မြန်မာ့နိုင်ငံရေးမှာ စစ်တပ်မပါ သင့်ဘူးဆိုတာကို ပြောတာကတော့ နိုင်ငံတကာ ဒီမိုကရေစီစံနှုန်းများနဲ့ မကိုက်လို့ ဖြစ်ပါတယ်ဆိုတာကို၊ ဗမာနိုင်ငံရေး ရာဇ၀င်တွင် စစ်တပ်ကဒီလိုယူနီဖောင်းမချွတ်ဘဲ ကြိုးစားတာ အခုမမဟုတ်ပါဘူး၊ လွတ်လပ်ရေး ရပြီးတော့ အခြေတောင်မတည်ရသေးသော ပါလီမန်ဒီမိုကရေစီ ခေတ်ကြီးတွင်၊ ပေါ်တင် တမိူး၊ကွယ်ရာတမိူး ရှိခဲ့တာကို သေသေချာချာရှိခဲ့တာကို သိရလို့ပါ၊ နိုင်ငံရေးကို လုပ်ချင်ရင် ဒီယှုနီဖောင်းကိုချွတ်ပြီးတော့ ရဲရဲဝံ၀ံပါတီထောင်ကာ ၀င်ရောက်ဆောင်ရွက်ခိုင်း တာကိုလည်း ဦးကျော်ငြိမ်း၊ ဦးနုနှင့် နိုင်ငံရေး ခေါင်းဆောင်ကြီးများရေးသော စာအုပ်တွေတွင် သေသေချာချာ တွေ့ရပါသည်။
နောက်ပြီးတော့ ခင်ဗျားတင်ပြသောအကြောင်းအရာတွင် ဘာကြောင့်ဒီလိုတွေဖြစ်ကြတယ် ဆိုသောအကြောင်းအရာကို မပြောဘဲ ဗမာပြည်လွတ်လပ်ရေးတိုက်ပွဲတွင် ဘာကြောင့် တိုင်းပြည်ကို အသက်စွန့်ပြီးတော့ လုပ်ကိုင်ကြသော ပေါင်းစုံသော အဖွဲ့အစည်းအသီးသီးရဲ့ ကြိုတင်ပြင်ဆင် လမ်းခင်းပေးခြင်းကိုမပြောဘဲ ဘီအိုင်အေကြီးကသာလျှင် မည်သို့သော အဖွဲ့အစည်းတွေရဲ့ လမ်းညွန် မှုအောက်မှာ မရှိဘဲ သီးခြားရပ်တည်ကာ၊ အုပ်ခူပ်ရေးကိုလည်း ဘီအိုင်အေကြီးက ဦးဆောင်လုပ်ခဲ့ တယ်လို့ ပြောရင်တော့ကျွန်တော်တို့က ပြင်းပြင်းထန်ထန် ကန့်ကွက်ရမှာဘဲ၊ အလွှာပေါင်းစုံ၊ လူမိူးပေါင်းစုံ၊ ဘာသာရေးပေါင်းစုံ၊ တိုင်းရင်းသားပေါင်းစုံ၊ မြေအောက် တော်လှန်ရေးသမားတွေ၊ တောင်သူ လယ်သမားတွေကနေ ၀ိုင်းဝန်းပြီးတော့ အထဲကို ၀င်နိုင်အောင် လမ်းတလျှောက် အခင်းအကျင်း လုပ်ပေးကြလို့သာ ရန်ကုန်ထိရောက်လာတာပါ၊ နို့မို့ဆိုရင် ဘီအိုင်အေက ရန်ကုန် မပြောနဲ့ မော်လမြိုင်တောင် မရောက်ဘူးကားနေပြီး။
ဝမ်းသာပါတယ်၊တပ်ကိုအရေးပါသောအခန်းကြီးကနေဖေါ်ကြူးတာ၊ သို့ပေမဲ့ မတရားကြီးတော့ မတင်နဲ့ လေ၊ မတရားကြီးတင်ပေးခဲ့ ကြသောသူတွေကြောင့်ရယ်၊ ဆိုးကိူးကောင်းကိူးကို ဘာမှမကြည့်ဘဲ အမှန်နည်းနည်းနဲ့ ရေးခဲ့ကြသော၊ အတတ်ပညာရှင်တွေ ကိုယ်တိုင်ဝိုင်ပြီး လိမ်ပေးခဲ့ကြလို့ နောင်လာ နောင်သားတွေ၊ ဇဝေဇ၀ါနှင့် သေသေချာ ကိုနားမလည်ခဲ့ကြတာ ယခုထိတိုင်ရှိနေခဲ့ကြတာကို ကြည့်ပြီးတော့နားလည်ပါဗျာ၊ တော်တော်များများကျွန်တော်တို့ တွေပြန်လည် ပြင်ဆင်ရမဲ့ သမိုင်းအောကာင်းတွေကအများကြီးပါ၊ ဒါတွေကို စစ်တပ်က ဒီလို အဖြစ်မိူးကိုမရောက်ရောက်အောင် စံနစ်တကျ၊သေသေသပ်သပ်နှင့်လိမ်ညာတာကို အင်နဲ့ အားနဲ့ ၁၉၅၈ ကတည်းကလှုပ်ခဲ့တာက အခုထိပါ၊ဒါကြောင့်လည်း ဗမာပြည်တွင် နေထိုင်ကြသော ၅၃သန်းသောလူတွေထဲမှာ တော်တော်လေးအမြင်တွေ မပြေမလည်ဖြစ်တာရယ်၊ စစ်တပ်ပြောတာကိုအဟုတ်ကြိးဘဲလို့ ထင်ခဲ့ကြ တာက နစ်ပေါင်းတော်တော်ကြာနေတာ ကိုတွေ့ရပါတယ်။ ဒါတွေဘာလို့ ဖြစ်လာကလည်းဆိုတော ပြောပါဗျာ၊ လွတ်လပ်စွာ ရေးသားခြင်း၊ ပြောဆိုခြင်း၊ ကိုထတန်းခူပ်ခဲ့သည့်အပြင်၊ မတရားမှု တွေနဲ့အုပ်ခူပ်ခြင်းကို စံနစ်တကျ၊ ဥပဒေကိုလက်တစ်လုံးခြားပြီးတော့ အုပ်ခူပ်ခွင့်ကိုရအောင် လက်နက်အားကိုးပြီး လုပ်ခဲ့ကြတာကိုနှစ်ပေါင်း၅၀ ကျော်ခံရလို့ပါ၊ စစ်တပ်ကတောင်းဆိုနေတာကို ဒိလိုအကြောင်းတွေကြောင့် တော်တော်များများက မပါစေချင်တာကိုဘာဖြစ်လို့ ဒီအချက်ကို တောင်းဆိုနေရတယ်ဆိုတာကို တိတိကျကျ အဖြေရှာဖို့ မကြိုးစားဘဲ စစ်တပ်က အာဏာကို ဆက်ပြီး ချုပ်ကိုင်ထားခြင်လို့လုပ်တာ ဖြစ်တယ်လို့ပြောရတာဆိုတာကို အရင်ဆုံးပြောပါရစေ။
စစ်တပ်ကကိုယ့်နေရာ ကိုယ်မနေဘဲဒီလို လုပ်ခဲ့လို့လည်း ယခုအခြေအနေကို ရောက်ကြ ခဲ့တာပါ၊
မြန်မာနိုင်ငံရေးမှာ ရေရှည်တည်တံ့မယ့် အဖြေရှာချင်တယ်ဆိုရင်တော့ စစ်တပ်က ဘေးထွက်ထိုင်ပြီး တိုင်းပြည်တပြည်တွင် လုပ်ဆောင်ရမည့်အလုပ် တာဝန်ကိုသာယူဆောင်ခြင်းပါ၊ ဗမာ စကားကို ဟိုဘက်လှည့်ပြီးတော့တမိူး၊ ဒီဘက်လှည့်ပြီးတော့တဖုံ မပြောစေချင်ပါ။
တသက်လုံး နေလာခဲ့ ကိုင်တွယ်အုပ်ခူပ်လာသော အာဏာကြီးကို ပြန်ပေးလိုက်ရတော့ မယ်ဆိုတော့၊ အပြည့်အ၀ပြန်ပြီးတော့ မရရင်တောင် ပါဝါပြည့် ၂၅%တော့ ရအောင်ယူမယ်ဆိုသော စိတ်ရင်းသို့ ပြန်ကြည့်ရင်ဘဲ စစ်တပ်ဘာကို စိုးရိမ်မှုတွေနဲ့ ဘာကိုရိုးသားမှု မရှိသော မျှော်လင့်ချက် ကိုထားတယ်ဆိုတာသိနိုင်ပါတယ်။
ဘယ်တုံးကမှ အမှန်ကို အမှန်တိုင်း ၀န်ခံပြောဆိုရဲခြင်း၊ တာာဝန်ယူရဲခြင်း မရှိသော စစ်တပ်(မဆလ
န၀တ) ကို ကျွန်တော်တို့က ဘာကိုအပြုသဘောနဲ့ အလေးပေးစဉ်းစားပေးရမှာလည်း ပြောပါအုံး၊ ဘယ်ပြဿနာကိုမဆို စစ်တပ်(မဆလ၊နအဖ) အနေနဲ့ လေးလေးစားစား တိုင်းပြည်ကို ထုတ်ဖော် ပြောတာမရှိပါဘူး။ ဘယ်တုံးကမှလည်း မရှိသလို ၊နောင်လည်းရှိလာ တော့မှာပါဆိုသောကတိက၀တ် တွေကိုလည်း ယုံကြည်လောက်သော ၄င်းတို့ ပြောပြောနေသော ယုံကြည်ခြင်းကို တည်ဆောက်ခြင်း ဆိုတာက ရှင်းရှင်းပြောရရင် လိမ်လည်လှည့်ဖျားခြင်းကို စတင်ဆောင်ရွက်ရန်အတွက် လိုသုံးသပ်ပါတယ်။
နောက်ပြီးတော့ခင်ဗျားပြောတဲ့ တည်မြဲ၊ သန့်ရှင်းဘဲကွဲကွဲ၊ ဘာဘဲဖြစ်ဖြစ်။ နိုင်ငံရေးမှာ၊ နိုင်ငံရေးလို့ဘဲ မြင်ရမယ်။ နိုင်မယ်၊ရှုံးမယ် ၊ဆိုတာကိုနားလည်ရမှာက အရေးကြီးဆုံးပါ၊ စစ်တပ်က၀င်ပြီးတော့ အုပ်ခူပ်ရတဲ့အကြောင်းကို သေသေချာချာ စဉ်းစားပါ၊ ဘာကြောင့် ၀င်ရတာလည်း ဘယ်သူက လုပ်တာလည်း၊ အကြောင်းအရာတွေက မှန်လား၊ မှားလား ဆိုတာပါဘဲ၊ ခင်ဗျားပြာတာက စစ်တပ်ကရေးသောသမိုင်းကို သော်လည်း၊ ပြောဆိုပြန်ကြားရ သောစကားတွေကိုအခြေခံတာလို့ ထင်ပါတယ်၊။
ဒီအဖြစ် အပျက်တွေက စစ်တပ်က အမျိုးသား နိုင်ငံရေးမှာ အဓိကအခန်းကပါသင့်တယ်ဆိုတဲ့ အယူအဆကို ခိုင်မာစေတာဖြစ်ပါတယ်။ ကျွန်တော်တို့ နားလည်တာကတော့ စစ်တပ်နှဲ့ ဗမာနိုင်ငံရေး သမားများပေါင်းကာ တိုင်းရင်းသားပေါင်းစုံးနှင့် တိုင်းပြည်ကို ပေးထားသော ဂတိကို မတည်ချင်သော ကြောင့် ၀ိုင်း၍လိမ်ကြခြင်းပါဘဲ လိမ်တာကိုလိမ်တယ်လို့ ပြတ်ပြတ် သားသားမြင်ရမှာဖြစ်သလို လိမ်တာကိုမကြိုက်လို့ အမှန်ကိုအမှန်တိုင်းခုခံ တိုက်ခိုက်သော သူတွေကိုလည်ခင်ဗျားတို့ ပြောနေ သော ရောင်စုံးသောင်းကျန်းသူတွေဆိုပြီးတော့ မထင်ပါနဲ့ ကိုယ်ကစပြီး မကောင်းတာကြံလို ဒီလိုအကြောင်းရာတွေ ပေါ်လာတာကို သောက်ရမ်းတွေ လျှောက်ပြောတာကို ပြန်လည် ဆန်းစစ်သင့်တယ်လို့ ပြောပါရစေ၊ ဆိုလိုတာက ရိုးသားမှု မရှိကြသောစစ်တပ်နဲ့ နိုင်ငံရေး လူလည်တွေ အချင်းချင်းချကြသောပွဲတွင် ထုပ်ပြန်လာသော ဇတ်လမ်း ပေါင်းစုံကို အကောင်းဆုံးဇတ်လမ်းသွင်းကာ ရေးသားထားသော သမိုင်းကိုအခြေခံခြင်းဖြင့် ရိုက်သွင်းခံရသော ယနေ့ခေတ်လူငယ် အပေါင်း သေသေချာချာနားလည်ဖို့ ဆိုတာကတော့ အရေးကြီးပါတယ်။
ဒီဖန်တီးထားသောဇတ်လမ်း၊ သတင်း၊ အကြောင်းအရာ၊ ရုပ်ပြ၊ ထွက်ဆိုချက်တွေကို အခြေခံ ပြီးတော့ခင်ဗျားတို့၊ ကျွန်တော်တို့ ဗမာနိုင်ငံရေးကိုသော်လည်းကောင်း ဗမာနိုင်ငံရေးနှင့် စစ်တပ်ကိုိ လည်းကောင်း ဆွေးနွေးရင်၊ ၅၃သန်းသောပြည်သူတွေကဘဲ စစ်တပ်ကို ပြန်တောင်းပန်ရမယ် ဆိုသော စစ်တပ်ပဲ ဗမာပြည်ကြီးရဲ့ ကယ်တင်ရှင်ကြီး။ ဗမာပြည်ကြီးရဲ့ အခူပ်ချာအာဏာကို မပြိုကွဲအာင် လုပ်နိုင်သူလို့ ထင်ယောင်ထင်မှား တွေဖြစ်လာအောင် စရာပါဘဲ။
နောက်ပြီးတော့လည်း ၆၂ ခုနှစ် အာဏာသိမ်းပြီးတော့လည်း စစ်တပ်ကပဲ မြန်မာ့ဆိုရှယ်လစ် လမ်းစဉ်ပါတီကို ဖွဲ့ပေးခဲ့သလို ဒီပါတီရပ်တည်နိုင်ဖို့ အဓိက နေရာက ပါခဲ့တာဖြစ်ပါတယ်။ ဒါ့ကြောင့်လည်း အခုမျိုးဆက်သစ်စစ်ဗိုလ်တွေအထိ သူတို့အနေနဲ့ စစ်တပ်အနေနဲ့ အမျိုးသား နိုင်ငံရေးမှာ အဓိကအခန်းက ပါသင့်တယ်ဆိုတဲ့ အချက်ဟာ Legitimate Cause ဖြစ်တယ်လို့ ယုံကြည် နေတာဖြစ်ပါတယ်။ တစ်ခါက အလယ်အလတ် အဆင့်ရှိတဲ့ စစ်ဗိုလ်တစ်ဦးနဲ့ ဆွေးနွေးခွင့် ရခဲ့ဖူးပါတယ်။ သူ့ကို ဘာဖြစ်လို့ စစ်တပ်က နိုင်ငံရေးထဲမှာ ပါချင်တာလည်းလို့မေးတော့ နိုင်ငံရေးသမားတွေကွဲကြ၊ ပြဲကြလို့ သူပုန်တွေ ပေါ်လာတော့ တိုက်ရတာကျူပ်တို့ သေရတာ ကျုပ်တို့ကြားက အနေအစားပျက်တာက ပြည်သူတွေ။ ဒီတော့ အရေးကြုံရင် သေရမယ့် ကျုပ်တို့က သူတို့လုပ်နေတာ ကောင်း၏ဆိုး၏ အကြံပေးခွင့်မရှိရဘူးလား၊ ၀င်ဆွေးနွေးခွင့်မရှိရဘူးလား၊ အနောက်နိုင်ငံတွေမှာလို နိုင်ငံရေး အငြင်းပွားမှုတွေကို လွှတ်တော်အတွင်းမှာဘဲ ဒီမိုကရေစီနည်းကျ ဖြေရှင်းနေလို့ကတော့ ကျုပ်တို့ ဘာစိတ်ပူစရာရှိသလဲလို့ ပြန်ပြောပါတယ်။ သူကတော့ သူနားလည် သလို ပြောလိုက်တာပါဘဲ။
ဒါပေမယ့် ဒါဟာ စစ်သားအတော် များများရဲ့ ခံစားချက်ကို ထင်ဟပ်တယ်လို့တော့ ထင်ပါတယ်။ ဒီအယူအဆဟာ ဒီမိုကရေစီစံတွေနဲ့ ညီတယ်လို့တော့ မပြောလိုပါ။ သို့သော် ကျွန်တော်တင်ပြခဲ့တဲ့ သမိုင်းကြောင်းကို ပြန်ကြည့်မယ်ဆိုရင်တော့ စစ်တပ်ရဲ့ ယုံကြည်ချက်ကို ထည့်သွင်းစဉ်းစားသင့်တယ် လို့ ထင်မိပါတယ်။ အာဏာသိမ်းတာကဘယ်သူလည်း ၁၉၆၂ ပြီးတဲ့ နောက်ပိုင်းမှာ အာဏာသိမ်း အိမ်စောင့်အစိုးရက ဘာဖြစ်လို့ တိုင်းပြည်ကို ဘယ်ဥပဒေနဲ့ အညီအုပ်ခ်ါပ်နေတာပါလည်း၊ ၁၉၄၇ အခြေခံဥပဒေနဲ့လား၊ ဘာနဲ့လား၊ နိုင်ငံတကာကို ဘာတွေတိုဂတိဂ၀တ်ပြုခဲ့ပါသလည်း၊ ပြောပါအုံး။ ၁၉၄၇ ကို လည်းအပြည့်အ၀ မကိုင်ရဲလို့ ရူးသလိုလို၊ပေါ်သလိုနဲ့  လက်နက်အားကိုပြီးအုပ်ခူပ်လာတာ (၁၉၈၈ ကနေ ယနေထိပေါ့ န၀တက ဟိုလှည့်ဒီလှည့်နှင့် လုပ်လာတာ အိမ်စောင့်အစိုးရတုံးက အတိုင်းပါဘဲ) နိုင်ငံတကာကနောက်ဆုံး အိမ်စောင့်အစိုးရကို ဆက်ပြီးတော့အုပ်ခူပ်ခြင်ရင်လည်း ကြည့်ကောင်းအောင် အခြေခံဥပဒေလေးနဲ့ လုပ်ပါဆိုလို့ ဖုတ်ပူမီးတိုက် အခြေခံဥပေးလုပ်ရန် မဆလကိုထောင်တာပါ၊ ဘယ်သူတွေက ပေါင်းပြီးဘယ်သူတွေကရေးတာလည်း၊ ဘာလို့ မဆလ ဆိုပြီးဖုတ်ပူမီးတိုက် အာဏာသိမ်းပြီး ၁၃နှစ်ကြာမှထောင်တာလည်း ထောင်တော့ကော ဆိုရှယ်လစ် လမ်းစဉ်ကိုတောင် ရိုးရိုးမဟုတ် ဗမာနည်းဗမာဟန်နှင့် ဗမာမှုပြုသော ဗမာ့ဆိုရှယ်လစ် လမ်းစဉ်ပါတီဟု ဆိုလိုက်ပြန်ပါသေးတယ်။
နောက်ပြီး စစ်တပ်နဲ့ ဆိုရှယ်လစ်မကျ ကွန်မြူနစ်မကျသော နိုင်ငံရေးအမားတွေ ရေးဆွဲရာမှ ပေါ်လာသော အခြေခံဥပဒေကြီးကို ပြည်သူတွေကို အတင်းနားလည့် ပါးရိုက်၍ အတည်ပြုခဲ့ တာကိုကြည့်ပြီး စစ်တပ်ကဘယ်လောက်ထိ တိုင်းပြည်နဲ့ လူမိူးအပေါ်စော်ကားမော်ကားခဲ့ (ယဉ်ယဉ် လေးနှင့် ကုတင်ပေါ်တင်ခံ ရခြင်းပါဘဲ) တာ၊ အနိင့်ကျင့်ခဲ့တာကို မြင်နိုင်ပါတယ်၊ မည်သူတစ်ဦး တစ်ယောက်မျှ ဝေဖန်ပြောဆို ထောက်ပြခြင်းကိုတောင် လက်ခံရှင်းလင်းမှုမရှိတဲ့အပြင်၊ အသွင်မတူ ရန်သူဆိုပြီး သဘောထားခဲ့တာကို ကြည့်ခြင်းဖြင့် ခင်ဗျားတို့ နားလည် နိုင်ပါတယ်။
အကောင်းဆုံးကတော့ ခင်ဗျားရေးသော ဗမာပြည်နိုင်ငံရေးနှင့် စစ်တပ်ဆိုသောအကြောင်းတွင် စစ်တပ်သည် ဗမာပြည်နိုင်ငံရေးတွင်ဝင်ပါလိုသော ရဲရဲဝံ၀ံစစ်ယူနီဖောင်းချွတ်၍ ပါတီထောင် ကာပါဝင်ဖို့သာလျှင် ပြောဆိုသင့်ပါကြောင်း၊ ထိုအတူ ရေးဆွဲသော အခြေခံဥပေးကို ၁၉၉၀ ရွေးကောက်ပွဲအနိုင်ရနှင့် ပါတီအားလုံး၊ တိုင်ရင်းသားခေါင်းဆောင်အားလုံး၊ အတတ်ပညာရှင် အသိပညာရှင်၊ စာပေ၊ ဂီတ၊ ကုန်သည်တွေကရေးဆွဲပြီး လွတ်လပ်သော၊ တရားမျှတသော ဥပဒေ စိုးမိုးသော ၊ညီတူမျှတူရှိသော၊ ငြိမ်းချမ်းသောပါလီမန်ဒီမိုကရေစီနှင့် ပြည်သူကနေ တင်မြှောက်သော အစိုးရတစ်ရပ် ပေါပေါ်ရန်အတွက် စစ်တပ်သည် ဘေးတွင်ထွက်ထိုင် သင့်ပါကြောင်း ပြောပါရစေ။
http://padaukmyay.blogspot.com/
ဥရောပထုတ်ဝေသူတွေ ကမ်းလှမ်းတဲ့ ဇာဂနာရဲ့ ဗိုလ်ချုပ်အောင်ဆန်း အတ္ထုပ္ပတ္တိ အင်တာဗျူး (မဇ္ဈိမမှ)
Posted On at at 1/15/2008 01:01:00 PM by moe pyayအမျိုးသားခေါင်းဆောင်ကြီး ဗိုလ်ချုပ်အောင်ဆန်း အတ္ထုပ္ပတ္တိအကြောင်း ဒါရိုက်တာနှင့် ဟာသသရုပ်ဆောင် ဇာဂနာ က ရုပ်ရှင်ဇာတ်ညွန်းရေးလျှက် ရှိသည်။ မြန်မာနိုင်ငံတွင် ပထမဦးဆုံး ဖြစ်လာမည့် အမျိုးသား ခေါင်းဆောင်ကြီး၏ ဘဝဇာတ်ကြောင်းကို လူတူဇာတ်ကောင်များနှင့် ရသမွှန်း ရိုက်ကူးမည့် သူ၏ စိတ်ကူးကို ဥရောပ ရုပ်ရှင်သမဂ္ဂက ထုတ်ဝေသူလုပ်ရန် ကမ်းလှမ်းထားသော ကိစ္စ၊ မြန်မာပြည်တွင် ရိုက်ကူးခွင့် ရရှိရေး အတိုက်အခံ လုပ်သွားမည်ဟု ကြေညာချက် အပါအဝင် ထူးထူးကဲကဲလုပ်လိုသည့် သူ့ကို ဝေဖန်သံများ ထွက်နေသည့်အပေါ် ဇာဂနာက ရှင်းလင်း ပြောဆိုသွားသည်။ မဇ္ဈိမမှ ကိုနေသွင်က တယ်လီဖုန်းမှတဆင့် ဆက်သွယ်မေးမြန်းထားသည်။
မေး။ ။ ဗိုလ်ချုပ်အောင်ဆန်း ဇာတ်ညွန်း နောက်ဆုံး ဘယ်အခြေအနေ ရောက်နေပြီလဲ
ဖြေ။ ။ နောက်ဆုံးလို့ ပြောရမှာက ကျနော့်ဟာက အကုန်ပြီးနေပြီး။ အတ္ထုပ္ပတ္တိလို ရေးတာမဟုတ်ဘူး၊ ရသက နည်းနည်းပါတဲ့အတွက် ကျနော်က လှုပ်ရှားမှုတွေ၊ အက်ရှင် အခန်းလေးတွေ၊ ဝမ်းနည်းစရာ အခန်းလေးတွေ၊ စသဖြင့် အဲဒါလေးတွေကို သမမျှတအောင် ရောနေရလိုသာ ကျနော်က ကြာတာလေ။ ကျနော် ခွဲထားတဲ့အတိုင်း ဆိုရင် Scene အတိုင်းဆိုရင် နံပါတ် (၁) ကနေ နံပါတ် (၁၃၂) အထိ ရှိလုပ်ထားတယ်။ ဒါပေမယ့် ထိပ်ဆုံး Scene နံပါတ် (၁) နဲ့ နောက်ဆုံး (၁၃၂) က အတူတူပဲ ဖြစ်တဲ့အတွက် (၁၃၁) Scene လို့ ပြောလို့ရတယ်။ ဇာတ်ကားရဲ့ ကြာမြင့်ချိန်က (၁၃၁) မိနစ်လို့ ပြောလို့ရတယ်။ (၂) နာရီနဲ့ (၁၁) မိနစ်ကြာမယ်။
မေး။ ။ ထုတ်ဝေသူတွေက ကမ်းလှမ်းလာတယ်ဆိုတော့ အဲဒီအကြောင်း ဘယ်လောက် သိလို့ရမလဲ။
ဖြေ။ ။ ကျနော်ဆီက တိုက်ရိုက် ကမ်းလှမ်းလာတာက (၂) ဖွဲ့ ကမ်းလှမ်းလာပါတယ်။ ပထမတဖွဲ့ကတော့ ဥရောပက ရုပ်ရှင် ထုတ်လုပ်သူတွေ၊ အင်္ဂလန်က ရုပ်ရှင်အဖွဲ့ ဖြစ်ပါတယ်။ အဲ့ဒီအဖွဲ့က အရင်ကလည်း မြန်မာပြည်နဲ့ ပတ်သက်လို့ ရုပ်ရှင်လုပ်ခဲ့ဖူးတယ်။ Beyond Rangoon ကို သူတို့တွေ လုပ်ခဲ့ဖူးတယ်။ နောက်ပြီးတော့ ဟောလီဝုဒ်က Beckman တို့ Charlie Wilson's War တို့ ရိုက်ခဲ့တဲ့ အဖွဲ့တွေက ကျနော်တို့ကို ကမ်းလှမ်းပါတယ်။ အင်္ဂလိပ်လို သူတို့ကိုပေးနိုင်ဖို့ သူတို့က မေတ္တာရပ်ခံပါတယ်။
မေး။ ။ သူတို့က ဘယ်လို ရိုက်ချင်တာလဲ။
ဖြေ။ ။ သူတို့က ဂန္ဒီဇာတ်ကားကြီး ရိုက်သလို ဗိုလ်ချုပ်အကြောင်းကိုလည်း တခမ်းတနားပေါ့လေ။ သူတို့က မြန်မာပြည် အကြောင်းကိုလည်း တော်တော်သိပါတယ်။ လွန်ခဲ့တဲ့နှစ် (၂ဝ) လောက်ကတည်းက မြန်မာပြည်အကြောင်းကို တော်တော်လေး လေ့လာထားလူတွေ ဖြစ်တယ်။ မြန်မာစကားလည်း နည်းနည်း ပြောတတ်တယ်။ နဂိုတည်း ဒီအကြောင်းကို စိတ်ဝင်စားတယ်။ မြန်မာလူမျိုးထဲက တယောက်ကမှ ထပြီးမလုပ်ကြသေးတဲ့ အတွက် စောင့်နေရတဲ့သဘော သူတို့ ကျနော့်ကို ပြောပါတယ်။ ဒီညနေကို သူတို့နဲ့ ကျနော် တွေ့စရာ ရှိပါတယ်။
မေး။ ။ ဒါဖြင့် ဇာတ်ဆောင်တွေက ဘယ်လိုဖြစ်မလဲ၊
ဖြေ။ ။ ကျနော်ကတော့ ကျနော် ဖြစ်စေချင်တဲ့အတိုင်း ချရေးထားပါတယ်။ အဲဒီအတိုင်းပဲ ကျနော်ကတော့ သူတို့ကို နည်းနည်းတော့ ခေါင်းမာမာနဲ့ ငြင်းရမယ်။ တစ်ကတော့ ကျနော်တို့ ဗိုလ်ချုပ်ကတော့ ဗမာလူမျိုးပဲ ဖြစ်ရမယ်။ အညာသားပဲ ဖြစ်ရမယ်။ ကျနော်ကတော့ ဒီလိုပဲ စိတ်ထဲမှာ သတ်မှတ်ထားတယ်။ ဆရာ သိန်းဖေမြင့်တို့လို၊ ဦးကျော်ငြိမ်းတို့လို၊ ဦးနုတို့လို အနီးစပ်ဆုံးတူတဲ့ ဗမာလူမျိုးတွေပဲ ကျနော်က ရွေးချင်တယ်။ ဦးနုဆိုလည်း မြစ်ဝကျွန်းပေါ်သားပဲ ကျနော်က ဖြစ်စေချင်တယ်။ ဆရာသိန်းဖေမြင့်ဆိုလည်း အညာသားပဲ ဖြစ်ချင်တယ်။ အဲလို တယောက်ချင်းစီရဲ့ character တွေကို ထုတ်ထားပြီး ကျနော် သူတို့ကို ပေးမှာပါ။ အဓိကပါတဲ့ လူတွေမှန်သမျှ ဥပမာ သခင်ဗစိန်ဆိုရင် သခင်ဗစိန် ရုပ်မျိုးပဲ ဖြစ်ရမယ်။ ကိုအုန်းဆို ကိုအုန်းရုပ်ကို ကျနော်ပြတယ်။ သခင်ဗစိန်ရဲ့ ဓာတ်ပုံကို ကျနော်ပြတယ်။ အဲလို တူတဲ့လူတွေ ရုပ်ရှင်နယ်ထဲမှာ ရှိရင် ခေါ်သုံးမယ်။ မရှိရင် အပြင်ကနေ လုံးဝ မျက်နှာသစ်တွေကို ခေါ်သုံးမယ်။
မေး။ ။ ဒီဇာတ်ညွန်းလေး ရေးဖြစ်သွားတဲ့ စေတနာကို ပြောပါဦး။
ဖြေ။ ။ အဲဒီ ဥစ္စာကတော့ ကျနော်လျာပြီးသား။ ဇာတ်ညွန်းရေးဖို့ ဆိုတာထက် ကျနော်တို့နိုင်ငံမှာ ဗိုလ်ချုပ်အောင်ဆန်းနဲ့ ပတ်သက်လို့ ပြစရာ လောက်လောက်လားလား ဘာမှ မရှိဘူး။ သူများနိုင်ငံမှာ ကြည့်လိုက်လို့  ရှိရင် ဂန္ဒီဆိုရင် ဟော်လီးဝုဒ်က လာရိုက်သွားပြီး ကောင်းလိုက်တဲ့ကား။ ကျနော် နောက်တကား ကြည့်ရတယ်။ ချန္ဒရာဘို့စ်ကို ကြည့်ရတဲ့အခါကျတော့ ဂန္ဒီတို့ ချန္ဒရာဘို့စ်တို့တောင် ကြည့်ရတယ်။ ဘာလို့  ဗိုလ်ချုပ်အောင်ဆန်း အကြောင်း မကြည့်ရလဲ ဆိုတဲ့အခါကျတော့ အဲဒီ Feeling ဝင်ပြီး၊ အဲဒီ ချန္ဒရာဘို့စ် ဇာတ်ကား ကြည့်ပြီးတဲ့အခါကျတော့ ဗိုလ်ချုပ်အောင်ဆန်းနဲ့ ပတ်သက်တာတွေ စုဆောင်နေတဲ့အခါမှာ ကျနော့် သူငယ်ချင်းတွေကလည်း ဝိုင်းအားပေးကြတယ်။ ဖြစ်အောင်ရေးကွာ ဆိုတော့။ ကျနော် လုံးလုံးလျားလျားကို ပစ်ပြီး ရေးတယ်။ ဒါပေမယ့် ဇာတ်ညွန်းဆိုတော့ ခက်တယ်လေ။ ရသ ပါနေတဲ့အခါကျတော့ တချို့ဟာလေးတွေမှာ ထိုးဇာတ်လေးတွေ လုပ်ရတာတွေလည်း ရှိတာပေါ့။ တကယ် အဲဒီစကားလုံးကို သမိုင်းမှာ ဗိုလ်ချုပ်တို့က ပြောချင်မှ ပြောခဲ့ဖူးမှာ။ ဒါမျိုးတွေကျတော့ ဇာတ်လမ်းဖြစ်အောင် ကျနော်တို့ လုပ်ယူရတယ်။ အဲဒီအခါကျတော့  အချိန်က တအားယူရတယ်။ ဗိုလ်ချုပ်အကြောင်း လေ့လာပြီးတော့ အသေးစိတ် အချက်အလက် စုဆောင်းနေရတာက တနှစ်လောက် အချိန်ယူပြီးတော့ တကယ် ချရေးတာကကျတော့ မကြာဘူး။ ဒါပေမယ့် စုဆောင်းနေတာတော့ ကြာတယ်။ ဘေးက ဝိုင်းပံ့ပိုးတယ်။ ကျနော့် သူငယ်ချင်းတွေ။
မေး။ ။ အင်္ဂလိပ်လိုရေးနေတာက ဘယ်လောက်ပြီပြီလဲ။ ရုပ်ရှင်အနေနဲ့ မြင်ရဖို့ ခန့်မှန်းခြေ ဘယ်လောက်ကြာဦးမလဲ။
ဖြေ။ ။ ကျနော်တို့ ဒီနေ့ညနေ တွေ့လို့ ဆွေးနွေးတာ အောင်မြင်သွားရင် ဒါဟာ တနှစ်အတွင်း အကောင်အထည် ဖော်ဖြစ်သွားမှာပဲ။ ဒီနှစ် တနှစ်ပေါ့။ ဘာဖြစ်လို့လဲဆိုတော့ ကျနော်တို့ ဘက်က ဇာတ်ညွန်း (အင်္ဂလိပ်)လို ပြီးပြီးသား။ ကျနော် စရေးကတည်းက ကျနော့်မိတ်ဆွေ Vicky Bowman ကနေ သူဘာသာပြန် ထားပေးပြီးသား ဖြစ်တဲ့အတွက် ကျနော့်ဟာတွေအကုန်လုံး Draft (အကြမ်း) က ပြီးပြီးသား။
မေး။ ။ ဒီဇာတ်ကားကို စပြီး ဇာတ်ညွန်းရေးတဲ့ အချိန်မှာ ကိုယ်ပဲ ဇာတ်ညွန်းရေး၊ ကိုယ်ပဲ ဒါရိုက်တာ လုပ်ဖို့  အိပ်မက်ရှိဖူးလား။
ဖြေ။ ။ ကျနော် လုပ်ချင်တာပေါ့။ ဒါပေမယ့် အခုချိန်မှာ ကျနော်တို့က ဗိုလ်ချုပ်ကိုသာ အဓိက ထားရမှာပေ့ါ။ ကျနော့်ကိုယ်ကျနော် အဓိက မထားရတော့ဘူးလေ။ ဗိုလ်ချုပ် ရုပ်ရှင်ဇာတ်ကားကြီး အောင်အောင်မြင်မြင်နဲ့  မှန်မှန်ကန်ကန် ပီပီပြင်ပြင် ဖြစ်သွားဖို့ကို ဦးစားပေးရမှာကိုး။ ဇာဂနာ ဆိုတာကို ဦးစားမပေးသင့်ဘူး။ လုပ်တော့ လုပ်ချင်တာပေါ့။ ဘာကြောင့်လဲဆိုတော့ ဗိုလ်ချုပ်ကိစ္စကျတော့ မြန်မာပြည် တပြည်တည်းမှာ တော်ရိရော်ရိ တညင်က ဇီးသီးတော့လောက်မှာ သေနတ် (၂) လက်လောက်နဲ့ ဗိုလ်ချုပ်အကြောင်းရိုက်ရင် တော်တော် ကျက်သရေ တော်တော်တုံးမှာပဲ။ အခု ဗမာကားတွေ ရိုက်နေသလိုပေါ့။ ကျနော်တို့က အင်္ဂလန်လည်း သွားရဦးမယ်။ စစ်ပညာသင်ဖို့ အတွက်လည်း အမွိုင်ကိုလည်း သွားရဦးမယ်။ တရုတ်ပြည်လည်း သွားရဦးမယ်။ ဗမာပြည် စစ်မြေပြင်မှာလည်း တောက်လျှောက် တိုက်ရဦးမယ်။ ဆိုတော့ တော်တော် ခမ်းခမ်းနားနား ရိုက်မှ ဖြစ်မယ်။ ဗိုလ်ချုပ်က ဂန္ဒီထက်စာရင် အများကြီး လှုပ်ရှားမှု ရှိတယ်။ လက်နက်ကိုင် တိုက်လာတဲ့ပွဲတွေ။ တောထဲမှာ ပြန်တိုက်လာတာတွေ ရှိတာကိုး၊ အဲဒါတွေပြဖို့ မြန်မာပြည်ထဲမှာ ရှိတဲ့ မီးကျိုးမောင်းပျက် သေနတ် အစုတ်အပြတ်လေးနဲ့။ လူလေး လေးငါးခြောက်ယောက်လောက်နဲ့ ဆင်မရှိ၊ မြင်းမရှိတဲ့ တိုင်းပြည်မှာ ဘယ်လို လုပ်မှ ဖြစ်မှာမဟုတ်ဘူးလေ။ ငွေပင်ငွေရင်းရှိတဲ့ လူနဲ့မှ ဖြစ်မယ်လေ။ ဟောလီဝုဒ်တို့လို ဥရောပ ရုပ်ရှင်သမဂ္ဂကနေ ကမ်းလှမ်းလာတဲ့ အခါကျတော့ ကျနော်တို့က သူတို့နဲ့ ပူးပေါင်းပြီး လုပ်မှသာ ထည်ထည်ဝါဝါ၊ ခမ်းခမ်းနားနား ပေါ်ပေါက်လာလိမ့်မယ်လို့ ကျနော်တို့ ယုံကြည်တယ်။ သူတို့ကို ပေးလိုက်ရမှာပဲ။ ပေးတဲ့အခါကျတော့ ကျနော်နာမည်တော့ ပါမှာပေါ့လေ။ ဒါရိုက်တာ မလုပ်ရတာ တခုပဲ။ ဒါပေမယ့် ဒါရိုက်တာမလုပ်ရလည်း ပြဿနာမဟုတ်ပါဘူး။ ဗိုလ်ချုပ်အောင်ဆန်းဆိုတဲ့ ရုပ်ရှင်ဇာတ်ကားကြီး ကျနော်တို့  သက်တမ်းမှာ ပေါ်ထွန်းသွားခဲ့တယ် ဆိုတာကို ကျနော်တို့ ဂုဏ်ယူရမှာပေါ့။
မေး။ ဒါဖြင့် ဖြစ်လာနိုင်တဲ့ အလားအလာတွေ အများကြီး မြင်နေရပါတယ်။ ဒီဇာတ်ညွန်းနဲ့ ပတ်သက်လို့ တော်တော်များများလည်း ဝမ်းပမ်းတသာနဲ့ ဝိုင်းပြီး အားပေးကြသံတွေလည်း ကြားပါတယ်။ တခြားတဖက်က ပြောင်းပြန် ဝေဖန်သံတွေရော ကြားမိသလား။
ဖြေ။ ။ ကြားပါတယ်။ ကျနော်တို့ကို တိုက်ရိုက်လည်း ပြောတယ်။ တချို့က ထင်နေတာပေါ့။ ဇာဂနာဆိုတဲ့ လူတယောက် ရေးတယ် ဆိုတဲ့အခါကျတော့ ဟာသဇာတ် ဖြစ်သွားမယ်လို့ ဘာတို့။ ဒါလည်း သူတို့ စိုးရိမ်တာ စိုးရိမ်ပါစေ။ ဒါပေမယ့် ကျနော်ရေးတဲ့ ဇာတ်ညွန်းတွေမှာ ဘယ်ဟာက ဟာသ ရေးရမလဲ။ ဘယ်ဟာက ရီရယ်လစ်ဇင်ကို ရေးရမလဲ ဆိုတာကို ကျနော်တို့က သိပါတယ်။ ဟာသ လိုတဲ့နေရာမှာ ဟာသ ထည့်ရမှာပေါ့လေ။ ဥပမာ ဗိုလ်ချုပ်က ဒေါ်ခင်ကြည်ကို သွားပိုးတဲ့အခန်း။ အဲဒါ ဟာသ ဖြစ်နေတာပဲ။ ဆရာ ဦးမြင့်စိုးရဲ့ စာအုပ်ထဲ ပါနေတာပဲ။ ဒါမျိုးတွေကို ကျနော်တို့က ဘွားကနဲ့ ကျတဲ့ဟာသကျတော့ ထည့်လိုက်ရမှာပဲ။ နောက်တခုက ဗိုလ်ချုပ်က တိုင်းပြည်ထဲက ထွက်ပြေးတဲ့အခါကျတော့ သင်္ဘောအတက်မှာ ဘာလုပ်ရမှန်း မသိတဲ့အခါကျတော့ စစ်ပုလိပ်တွေက ဝင်ရှာတာနဲ့ ဘေးနားက တရုတ်မကြီးဆီက ကလေးကို ကောက်ချီလိုက်တယ်။ အဲဒီကလေးက သူ့ကိုခွပြီး သေးတွေ ပန်းသွားတာ တကိုယ်လုံး သေးတွေရွဲသွားတဲ့ အခန်းက ဒါဟာသ ဖြစ်တာပေါ့။ ဒါက သဘာဝက ဖြစ်တဲ့ဟာသ။ ဒါမျိုးတော့ ပါမှာပဲ။ တမင်တကာ လုပ်ယူတဲ့ ဟာသဆိုတာတော့ ပါမှာမဟုတ်ပါဘူး။ တချို့ကျတော့ ဒီကောင်တွေ အလကားပါ။ ဆင်ခေါင်း တက်ကိုင်တယ်ဆိုပြီး ကျနော်တို့ကို ပြောကြတယ်။ ဖြစ်နိုင်ပါမလားပေါ့။ မြန်မာပြည် စစ်မြေပြင်ကြီး ဘယ်လို ပြန်ဖန်တီးမလဲပေါ့။ စစ်တောင်းတံတား တိုက်ပွဲ။ မဖြစ်နိုင်ဘူးပေါ့။ ကျနော်တို့က မဖြစ်နိုင်တာတွေပဲ ပြောပြီး ထိုင်နေကြရင်တော့ ဘာမှဖြစ်လာမှာ မဟုတ်ဘူး။ အဲဒီအတွက်ကြောင့် ကျနော်တို့က မေတ္တာ ရပ်ခံလိုက်တယ်။ မဖြစ်နိုင်ဘူးဆိုတာက မလုပ်သေးလို့ မဖြစ်နိုင်သေးတာ။ သွေးဇာတ်ကား ရိုက်တဲ့ ဂျပန်ကြီးက (၉) နှစ်လုံးလုံး ကြိုးစားပြီး (၁၁) နှစ်မြောက်တဲ့အခါမှ ဒီဇာတ်ကားကို ရိုက်ဖြစ်သွားတာ။ (၁၇) နှစ် ပြည့်တဲ့အထိ မြန်မာပြည်မှာ လာပြခွင့် မရသေးဘူး၊ ဘယ်လို လုပ်မလဲ။ ဒါပေမယ့် သွေးဇာတ်ကားကြီးတော့ အောင်မြင်အောင် လုပ်သွားတယ်။ အဲဒီ ဂျပန်ကြီး တယောက်လောက်တောင် ကျနော်တို့ ဗမာတွေက ဇွဲသတ္တိ မရှိကျတော့ဘူးလား။ ဟိုလူကြီးက တယောက်တည်းနဲ့ သွေးဇာတ်ကားကို ရိုက်သွားတာနော်။ ကျနော်တို့ က ဗမာလူမျိုး ဖြစ်ပြီးတော့ ကိုယ့်အမျိုးသား ခေါင်းဆောင်အကြောင်းကို မဖြစ်နိုင်တာတွေပဲ တွေးပြီး ထိုင်နေမယ့်အစား ဖြစ်နိုင်တာလေးတွေ စုပေါင်းပေါင်းပြီး လုပ်လိုက်ကြရင် မကောင်းဘူးလားလို့ ကျနော်က ပြောပါတယ်။ ဒါပေမယ့် ဘယ်လိုနည်းနဲ့ မဆို ကျနော်ကို ဒီကိစ္စနဲ့ ပတ်သက်လို့ အကြံပေးတဲ့လူတွေ အားလုံးကို ကျနော် ကျေးဇူးတင်ပါတယ်။
မေး။ ။ နောက်တခုက သမိုင်းရှုထောင့်ပေါ့။ သမိုင်းပညာရှင်တွေဘက်က တုံ့ပြန်သံတွေရော ကြားရလား။
ဖြေ။။ ကြားပါတယ်။ ကြားပါတယ် မဟုတ်ပါဘူး။ ကျနော် တိုက်ရိုက်လည်း ဆွေးနွေးပြီးပါပြီ။ ထားပါတော့ ဗိုလ်ချုပ်အောင်ဆန်းရဲ့ အတ္ထုပ္ပတ္တိကို စာအုပ်ထုတ်ဖို့ အတွက် ပြင်ဆင်နေကြတယ်။ သခင်တင်မြတို့၊ သခင်လှကွန်းတို့၊ ဗိုလ်ရဲထွဋ်တို့။ သူတို့ စာအုပ်က စာမျက်နှာ (၁၅ဝဝ) ကျော်လောက် ပါပါတယ်။ ရှားပါး ဓာတ်ပုံတွေလည်း ပါပါတယ်။ သူတို့ရေးတဲ့ ဥစ္စာနဲ့ ကျနော်ရေးတဲ့ဥစ္စာ နည်းနည်းတော့ လွဲတာပေါ့ဗျာ။ ကျနော်ရေးတဲ့ဥစ္စာ သူတို့ကို ပြပြီးသားပါ။ လူကြီးတွေကို မှားတယ် ကျနော် မှန်တယ်လို့ ပြောနေတာ မဟုတ်ပါဘူး။ သူတို့က အထုပ္ပတိကို ရေးတာ။ ကျနော်က ရုပ်ရှင်ဇာတ်ညွန်းကို ရေးတာ။ ကျနော် မထည့်ချင်တာကို အခန်းကို ထည့်ကို မထည့်ထားတား။ အတ္ထုပ္ပတ္တိ အနေနဲ့  ဒါပါကို ပါသင့်တယ်။ ကျနော် ဇာတ်လမ်းထဲမှာ ပါဖို့ မလိုတဲ့ဟာတွေ ထည့်ကို မထည့်ထားဘူး။ ရုပ်ရှင်က အကုန်လုံး လိုက်ရေးလို့ မရဘူးပေါ့။ ကျနော်တို့က စိတ်ဝင်စားနိုင်တဲ့ အခန်းတွေပဲ ကျနော်တို့ ရွေးထုတ်ထားတာ ဖြစ်တယ်။ သူတို့ကလည်း ကျနော် ပြပါတယ်။
မေး။ ။ တချို့ အခန်းတွေပေါ့။ ဒဂုံတာရာနဲ့ ပထမဆုံး စတွေ့တဲ့ အခန်းမျိုး၊ ဘယာကျော် ကောက်စားတဲ့ အခန်းမျိုးပေါ့။ အဲဒါတွေရော ပါလား။
ဖြေ။ ။ သိပ်များနေမှာ စိုးလို့လေ။ နောက် ဆရာသိန်းဖေမြင့်ရဲ့ မျက်နှာသုတ်ပုဝါကို အီးအီးပါပြီး ဗိုလ်ချုပ်က ဖင်ဆေးလာတဲ့လက်ကို သုတ်တာတွေလည်း ရှိပါတယ်။ အဲဒါမျိုးတွေတော့ မထည့်ထားဘူး။ မထည့်ထားတဲ့ အကြောင်းရင်းက ကျနော်တို့ ပိုင်းလိုက်တဲ့ အချိန်အရ တက္ကသိုလ် ကျောင်းသားသမဂ္ဂကို ဗိုလ်ချုပ် ရောက်လာတယ်။ နောက် နိုင်ငံရေး လောကကို ရောက်လာတယ်။ တော်လှန်ရေးထဲကို ရောက်ဖို့အတွက် စစ်ပညာသင်ပြီး မြန်မာပြည်ကို ပြန်တိုက်တဲ့အချိန်မှာ ကျနော်တို့ က ဇာတ်ကားရဲ့ တဝက်ကျိုးဖို့ လိုအပ်တဲ့အတွက် တက္ကသိုလ် ကျောင်းသားသမဂ္ဂ အခန်းတွေကို အမြန်ဆုံး။ ၆ scene၊ ၇ scene အတွင်းမှာ ကျောင်းသားသမဂ္ဂကို ဗိုလ်ချုပ် ရောက်သွားဖို့ ပိုနေရတယ်လေ။
မေး။ ။ အဖွင့်အပိတ် scene ကို အာဇာနည်ကုန်းနဲ့ ပြထားတဲ့ ကိစ္စက။
ဖြေ။ ။ ကလေးတွေဆီမှာ ဗိုလ်ချုပ်အောင်ဆန်းက ဘယ်တော့မှ ပျောက်မသွားဘူးဆိုတာ လိုချင်လို့။ အခုခေတ် ကျောင်းသားကလေးတွေက ဘာ music မှ မပါဘဲနဲ့  “ရာဇဝင် အတ္ထုပ္ပတ္တိလည်း ရှိရမယ်” အဲလိုလေး။ အဲဒါလေးနဲ့ စ။ အဲဒါနဲ့ပဲ ဆုံးချင်တာနဲ့။
မေး။ ။ အခု ဘလော့မှာ ဇာတ်ညွန်းတွေ အပိုင်း (၆) ထိပဲ ရှိသေးတယ်။ ထပ်တင်ဖို့ ရှိသေးလား။
ဖြေ။ ။ လောလောဆယ် သူတို့က ခဏ ရပ်ထားပေးပါလို့ ဆိုလို့။ မှန်တော့လည်း မှန်ပါတယ်။ ကျနော်က ရပ်မထားဘူးဆိုရင် သူတို့က အလုပ်နဲ့ ပတ်သက်ပြီး ဆွေးနွေးပြီပေါ့။ တခြား လူတယောက် ကနေပြီးတော့ အဲဒါကို ဒေါင်းလုတ်လုပ်ပြီး အင်္ဂလိပ်လို ပြန်ပြီး ပေးလိုက်ရင် သူတို့ ဂွမ်းသွားမှာပေါ့။ အဲဒါကို ခဏလေး သူတို့နဲ့ ဆွေးနွေးတုန်းမှာ ရပ်ထားပေးပါ ဆိုတော့ ကျနော် ရပ်ထားပေးတယ်။ ဒီနေ့ညနေ ဆွေးနွေးပြီးရင်တော့ တော်တော် အခြေအနေ ရောက်ပါပြီ။
မေး။ ။ နောက်တခု မေးဖို့ ကျန်နေတာက ဒီဇာတ်ကားနဲ့ ပတ်သက်လို့ ပိုးရှိတဲ့ သရုပ်ဆောင်တွေရော ရှိလား။
ဖြေ။ ။ ဒီကိစ္စနဲ့ ပတ်သက်လာရင် တော်တော် များတယ်ဗျ။ ကျနော်တို့က ရွေးရမယ်။ ရှိပြီးသား လူတွေထဲက ကျနော်တို့က မသုံးချင်ဘူး။ အခုက ရှိပြီးသား လူတွေထဲက ဒီကိစ္စနဲ့ ပတ်သက်လို့  လာလာပြီးတော့  ဒီတနက်လုံးပဲ သူတို့တွေ လှမ်းလှမ်းပြောနေတယ်။ ဒီမှာက သတင်း ပေါက်သွားတာကိုး။ အဲန်တီ ဒေါ်ဆွေဇင်ထိုက် တို့ကို ပြောပြလိုက်တဲ့အခါ ကျတော့ (ညနေလည်း သူတို့ပါမှာကိုး) နိုင်ငံခြားက လာတယ်။ သရုပ်ဆောင်ထဲက ရွေးမယ် ဆိုတဲ့အခါကျတော့ သရုပ်ဆောင်ထဲက ပါချင်တဲ့လူတွေက သူတို့ဟိုဟာ ဖြစ်ပါရစေတို့၊ ဒီဟာ ဖြစ်ပါရစေတို့။ လာလုပ်နေလို့။ ကျနော်ကတော့ ရှိပြီးသား သရုပ်ဆောင်တွေကို စိတ်မဝင်စားဘူး။
မေး။ ။ သူက မြန်မာပြည် မြေမှာပဲ ရိုက်မှာပဲလား။
ဖြေ။ ။ လုပ်ရမှာလေ။ သုံးကို သုံးရမယ်။ ကျနော်လည်း အတိုက်အခံ လုပ်မှာပဲ။ ကျနော်တို့ မြန်မာပြည်မြေမှာမှ မရိုက်ရင် ဘယ်မှာ သွားရိုက်မလဲနော့်။
မေး။ ။ ဒီကိစ္စကလည်း ပြဿနာတခု မဖြစ်နိုင်ဘူးလား။
ဖြေ။ ။ ဖြစ်မှာပဲ။ ကျနော်က အရင်ကတည်းက ကြိုတွက်ထားတာ ဖြစ်ဖို့ကို များတယ်။
မေး။ ။ ရုပ်ရှင်ကတော့ ပြီးပါပြီ။ စကားမစပ်ပေ့ါဗျာ။ စက်တင်ဘာ ခံစားချက်လေး အခုရင်ထဲ ဘယ်လိုနေသလဲ။
ဖြေ။ ။ အဲ့ဒါကတော့ ဆရာလွဏ်းဆွေရဲ့ ဘလော့မှာသာ ကြည့်လိုက်ပါတော့ဗျာ။ အဲဒီ ကဗျာတပုဒ် တင်ထားတယ်။ အဲဒါကို ကျနော် ဖတ်ပြမယ်။ အဲဒီကဗျာကတော့ ကျနော်တို့ အနုပညာရှင်တွေ၊ ပြည်သူတွေကို ကိုယ်စားပြုတဲ့ ကဗျာပါပဲ။ ကျနော် ဖတ်ပြမယ်ဗျာ။
စက်တင်ဘာ သုညခွန်
စက်တင်ဘာသွေး
ဒါဟာ ချောက်ချား ကြောက်လန့်အောင်
ဇာတ်လမ်းဇာတ်ကွက် ဆင်ထားတဲ့
ပုံပြင်တပုဒ် မဟုတ်ဘူး
အမှန်တကယ် ဖြစ်ခဲ့ ပျက်ခဲ့တယ်။
အမှန်တကယ်ကို
ဖြစ်ခဲ့ ပျက်ခဲ့တယ်။
ကြားဖူးနားဝထဲမှာ
သင်အံဖူးတဲ့အထဲမှာ
ဖြတ်သန်းလာသမျှထဲမှာ
ဒီစာမျက်နှာရဲ့
သွေးနံ့တွေက အညှီဆုံးပေါ့ …။
သူတို့ဟာ လူတယောက်ကို လက်ယဉ်ယဉ်နဲ့ သတ်နိုင်ဖို့
စနစ်တကျနဲ့ လေ့ကျင့်သင်အံခဲ့ကြတာ၊
သူတို့ဟာ သူတို့အလိုရမ္မက်အတွက်
ကိုယ့်သမိုင်းကို တံတွေးနဲ့ ရေးရဲတာ၊
သူတို့က သူတို့ရောက်နေတဲ့ အရပ်ဟာ
ချိုင့်ဝှမ်းမှန်း တောင်တန်းမှန်း မသိနိုင်လောက်အောင်
အတ္တတွေ ပိန်းပိန်နေခဲ့တာ၊
သူတို့ဟာ လက်တလုံးခြား လှည့်စားတတ်သလိုမျိုး
ဗြောင်လိမ်ဖို့လည်း ၀န်မလေးကြဘူး …
သူတို့ဟာ အံသြစရာကောင်းလောက်အောင်
အနှစ်နှစ်ဆယ်လုံးလုံး လုပ်ဇာတ်ကနိုင်ခဲ့ …။
သားသတ်မုဆိုးရဲ့ ရက်စက်မှုလား
အမဲလိုက်ခွေးတွေရဲ့ စိတ်ဆာလောင်မှုလား
အရိုးရှင်းဆုံး မေတ္တာတံတားတွေပေါ်မှာ
စစ်ဖိနပ်သံတွေ ပြင်းထန်သွားခဲ့ပြီ။
ဆရာတော် ဦးဥတ္တမဟာ
မျက်ရည်ယိုဗုံး ပိန်းပိတ်နေတဲ့ကြားမှာ
နံပါတ်တုတ်နဲ့ ခေါင်းကို အရိုက်မခံခဲ့ရဘူး …
သွေးစိမ်းရှင်ရှင်တွေ ဘုရားရဲ့မြေမှာ မစွန်းပေခဲ့ရဘူး။
ဆရာတော် ဦးဝိစာရဟာ
သေနတ်သံတွေကြားမှာ သင်္ကန်းတဖားဖားနဲ့ မပြေးရရှာဘူး
လက်ပြန်ကြိုးတုတ်ပြီး သေနတ်ဒင်နဲ့ အဆောင့်မခံခဲ့ရဘူး
ဘယ်သူ့လက်ချက်မှန်း မသိဘဲ ရေထဲမှာ အလောင်းမမျောခဲ့ရဘူး။
ဒါဟာ ဘာသာမတူ လူမျိုးမတူသူတွေရဲ့ လက်အောက်
ကျွန်သဘောက် ဖြစ်နေတုန်းကပေါ့…
ဒါဟာ တို့သမိုင်းထဲက ရဟန်းအာဇာနည်တွေပေါ့ …။
ဒါတွေလည်း အမှန်တကယ် ဖြစ်ခဲ့ပျက်ခဲ့တယ် …။
အရိုးသားဆုံး ဓမ္မရှင်တွေဟာ
ဘာအလိုရမ္မက်မှ မပါဘဲ
ဆန္ဒကို ဆန္ဒအတိုင်း
ရိုးရိုးသားသား ဖော်ထုတ်ခဲ့ကြတာ …။
အမွန်မြတ်ဆုံး မေတ္တာဓာတ်တွေဟာ
ဘယ်လို ကိုယ်ကျိုးဖက်မှုမှ မပါဘဲ
သူတို့စွမ်းဆောင်နိုင်သမျှ သူတို့ကယ်တင်ခဲ့ကြတာ …။
အခု
မေတ္တာသုတ် ရွတ်သံတွေကို ယမ်းခိုးတွေနဲ့ မှိုင်းတိုက်လို့ …
ရွှေဝါရောင် သင်္ကန်းတွေကို သွေးရောင်လွှမ်းစေခဲ့ကြ …
အပြစ်မဲ့ ပြည်သူတွေကို အမဲကောင်တွေလို သဘောထားပြီး
ရွှေတိဂုံရင်ပြင်ကို လူသတ်ကုန်းလို သဘောထားရဲကြ …
ဒါတွေဟာ အမှန်တကယ် ဖြစ်ခဲ့ ပျက်ခဲ့တယ်။
အခြေအနေတွေကို မျက်လှည့်ပြလိုက်သလိုမျိုး
တိတိကျကျ ပြောင်းပြန်လှန်ပြလိုက်နိုင်တဲ့
တဖက်ကမ်းခတ်
ကလိန်ဉာဏ်များကလည်း လက်ဖျားခါချင်စရာ …
မီဒီယာနည်းနားကို မီးကုန်ယမ်းကုန် အသုံးချတတ်ပုံများကလည်း သြချစရာ …
သူတို့ဟာ ဟစ်တလာလို
ကြီးကြီးကျယ်ကျယ် လိမ်ခဲ့ပြီး
သူတို့ဟာ နရသူမင်းလို
အာဏာကို ဘာသာနဲ့လည်း လဲရဲတယ် …။
ကြည့်ကြ …!!!
ပါးစပ်က ဘုရားဘုရား ဆိုခဲ့သမျှ …
ကို့ရို့ကားယား နိုင်လွန်းလှတဲ့ လက်တွေလေ၊
ဝါဆိုသင်္ကန်း ကပ်ပြဖူးတဲ့ လက်
ကထိန်သင်္ကန်း ကပ်ပြဖူးတဲ့ လက်
ဆွမ်းဆန်စိမ်းတွေ လောင်းလှူပြခဲ့တဲ့ လက် …
ဘုရားထီးတော်ကို မတန်မရာ တင်ပြဖူးတဲ့ လက်
အဲဒီလက်တွေမှာ …
ဘယ်သံသရာရောက်ရောက် ဖျက်မရနိုင်တဲ့
သွေးတွေနဲ့ …။ ။
http://lawkanat.blogspot.com/
မှကူးယူဖော်ပြပါသည်။
